قالـــك البنـــت الفـــري !!

قالولي حنكتب عالبنت الفري؟ بت فري ايه يا جدعان ؟
يابني البنت الفري؟ ايوة يا جدعان دي تلاقيها فين يعني؟
ايه يابني انت مش عايش ولا ايه ؟ يعني حكون مت و محدش قاللي؟!!
ايه مصاحبتش بنت فري قبل كده؟ هو انا من امتى باصاحب بنات؟ مانتو قاطعين
ياعم اكتب عن اللي انت بتشوفه؟ بس انا خبرتي قليله
اكتب أي حاجة بقى متقرفناش..المهم نروح البيت نلاقيك حطيت بوست عالبلوج عن البنت الفري!!
حكم القوي!
طيب انا مش فاهم دلوقتي؟! يعني ايه بنت فري ؟ دي حدودها ايه يعني؟ طيب هو انا حناقش الموضوع و حوصل بيه لأنهي نتيجة؟ ان البنت الفري دي يعني حاجة لطيفة مثلا!! ولا حاجة مهببة ؟
حاجة تقليدية ولا حاجة غريبة؟ ….حاجة ضرورية ولا حاجة ملهاش لازمة؟
قبل مـا أتوه في الأسئلة خليكو معايا لحظة حاحاول ألاقي تعريف للبنت الفري من كتاب “اللي قعدوا عالسلم”
…بــــــــــــس لقيته…أهو..صفحة 7
الباب الأول : ( الحريـــــــــم )
الفصل الثالث : ( الشقـــط )
تعريف البنت الفري: هي البنت اللي بتقنع نفسها انها عايشة بحرية و مسئولة عن تصرفاتها من غير رقيب و تقدر تعمل اللي هي عايزاه طالما هو صح في وجهة نظرها و ميفرقش معاها رأي الناس و المجتمع ولا حتى رأي الدين في سلوكها!!
و يجدر بنا الإشارة بما أننا في فصل (الشقط) أن ننوه بأن هذه النوعية مالبنات من السهل فحت شقطها و تشكيلها على مزاجك….لانها بالفعل اعطت لنفسها مساحة من الحرية اللي تخليها تعمل أي حاجة…و بالتالي فتوجيهها بيبقى ولا أسهل! (الله يسهلوووووووووووووووووووووو)
—————————–
ده اللي قاله الكتاب…مجبتش حاجة من عندي أنا….طب إيه بقى؟ هو في إيه يتقال؟
طب في ناس بتقول لنفسها دلوقتي؟؟ يعني هو مفيش وسط ؟ يعني هي البنت يا كده خالص يا كده خالص
ده احنا دينا دين وسطية يا راجل متبقاش قفل كده!
هو يعني ايه وسط؟؟ تعريفه ايه الوسط ده؟
الوسط في الدين هو الذي بين الإفراط و التفريط….
و الوسط هو حاجة بين الكويس و الوحش….و الشجاعة وسط بين التهور والجبن…. والاعتدال في الانفاق وسط بين الإسراف و البخل…
الوسط ده حاجة بين حاجتين متباعدتين تماما….طب أقول وسط بين البنت الفري و ايه……….. ؟؟؟ ولا البنت الفري دي تطلع وسط مابين ايه و ايه؟
عاوزين تدورولها على وسط دوروا…مع تفسكو بقى….اصل انا حاسكت!…مبعرفش أبقى دبلوماسي في الحاجات دي و كلامي بيبقى دبش أحيانا….اللي عايز يفكر يفكر و يرد على نفسه….و حسابه يبقى بينه و بين نفسه!

توقيع
Echo of Silence

—————————-

Advertisements

8 تعليقات

  1. ana r2yi enk mtsm3sh klam so7abk tany w lma t7b tktb tktb 3shn enta 2olt defination kolna 3rfino bs msh 2olt r2yk ely enta el mfrod da5l tktb 3shano…thnx

    • yup u r right ana ma2oltesh ra2yi bas i think eno ra2yi bayn 7atta mel osloob elly katabt bih…
      anyways thx 4 passing by, Eman…..
      kont 3arf ana en el post da 7ye3mel 2ala2…mennak lellah yalli f baly

  2. we ya ret ya bashmohandes balash ta2led a3ma………………..(allah ysaheloooooooooooooo) de bta3ty ana we anta masta2zentsh 2abl 2ste5damha………la bas nice 2slob ya wad……..raf3 rasna dayman

  3. thx yabu rabeen…..mrdtsh a5od eznak olt asebha mofag2a 😀
    u welcome, dude

  4. إيه يا عم انت ازاى متعرفش البنت الفري… هي صعبة أوي كده؟؟؟

    البنت الفري لما تدخل أى محل بيتزا فجامعة الدول أو الهرم وتاخد بيتزا وعليها واحدة “فري” مجانا…..

    “انت بقى تختار عاوزها بالموزريلا وللا عاوزها “ب………….. النوم”

  5. kan fi eqtra7 embar7 eny a3mel rating (PG) lel post bta3i….wade7 en kan m3ahom 7a222

    “This topic may not be suitable for minors”
    😛

  6. no wla 2l2 wla 7aga w lw ely fi balk da abou sala7 mlksh d3wa bih 3shn da a7’oya asln:):)
    note:ana eman ely ktba fo2
    eman salah elshazly….thnx for ur reply

    • aaaaah danto 3amleen 3ezwa fel blog b2a 😀 3moman abu zala7 f 3naya…kfaya enno a7ad asbab eny agarrab akteb


Comments RSS TrackBack Identifier URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

  • عدد اللي عدوا ع-السلم

    • 15٬514 بنى آدم
  • أحسن مشاركات

  • التصنيفات