واحـنـا قــاعـــــــديــن!!

2625576099_5718636d962

بعد محاولات اني اظبط لنفسي الجو المناسب لكتابة اول كلامي عالبلوج و بعد ما رجعت البيت في وقت مناسب مش زي العادة و ظبطت القعدة و طفيت النور و عملت كباية القرفة بالجنزبيل و قعدت…

و مع اني الحقيقة مش عارف هو يبقى اسمه جنزبيل ولا زنجبيل بس المهم انه بيساعد على تنضيف رئتنا من طبقات الدخان اللي قاعدة فوق بعضيها زي طبقات الأسفلت اللي بتكومها الحكومة فوق بعضها و بعد ماتبقى ساكن في الدور الاول خلال 3 سنين من الرصف المستمر تكتشف انك بتنزل لشقتك بسلمتين!!!

ما علينا من جو العطارة و الدخان اللي انا بدأت بيه ده..خلينا فـ اللي رقصوا عالسلم…لا اللي فوق شافوهم ولا اللي تحت سمعوهم….احنا لامؤخذه مافيناش حيل نرقص

احنا بقى اللي قعدنا عالسلم….بس اللي فوق (ربنا يجعل كلامي خفيف على قلبهم) شايفنا…واللي تحت سامعينا.

اللي شايفنا شايفين و ساكتين…..من ظلمهم

واللي سامعينا سامعين و مغمضين.…من غلبهم

واحنا قاعدين!!!

ناس تتولد و ناس تموت…ناس تتركب و ناس تشوط….

و احنا قاعدين!

ناس بتبدع و ناس بتقتل…ناس بتطلع و ناس بتنزل…

و احنا قاعدين!

ناس بتنهب و ناس تتوكس….ناس بتهرب و ناس تتحبس….

و احنا قاعدين!

ناس تطاطي و ناس تشاكل….ناس تقشر و ناس تاكل….

واحنا قاعدين!

ناس تحتكر و ناس تولع….ناس تلبس و ناس تقلع…

واحنا قاعدين!

ناس بتجري و ناس تتمختر….ناس بتشخت و ناس بتفنجر

واحنا قاعدين!

ناس يــع و ناس جنان….ناس خسرت من بني عبيد و ناس راحت اليابان…

و احنا قاعدين!

فـ احنا بقى اتمردنا…بس مقررناش نقف…حنفضل قاعدين….لكن حنوصف الحياة زي مابنشوفها

و احنا قاعدين!

توقيع
Echo of Silence

Advertisements

10 تعليقات

  1. السلام وعليكم :
    و أنا قاعدة كمان قدرت أقرأ كلامك ..يعني القعود مش مصيبه …بس كيف وإمتى تقعد هي المصيبة ..وأنا قاعدة بتجيني أفكار ….وأنا قاعده بقدر أميز الناس…وأنا قاعدة بفكر وبحسب وبمل وبفرح ……..القعود ياناس نعمة واللي مايقعد راح يندم أكييييييييييييييييييدة.

  2. ياسلام عليك قول كمان

    وبعدين اقول ومتبطلش هو احنا حندفع كام يعنى لما نقول
    وبعدين ياريت يكون واحنا قاعدين اهوه برده اريح ولا ايه

  3. wenaby ya ged3an balash sert el2o3od de 2odamy………….ana zaha2t men el2a3da b2a begad nefsy a2ooooooooooooooooooooooom

  4. enta na2eet ell wa2t elly 7ata elly kan ayem fih b2a byo3od w 3ayz t2oom fih
    ???

  5. أنا بجد وحشتني القعدة عالسلم….. السلم اللي ليا معاه زكريات كتيييييير وياما قعد معايا عليه ناس كتيييييييييييييرررررررر…. متخودني جنبك وتخليني احكي عالسلم….. سلم كليتنا…… أيام

    حلو أوى الحوار ه يا شباب استمروااااااا

    بس سيبوا سكة للى طالع واللى نازل معملولهومش قلق..

  6. u welcome bro….heya el a3da 3al selem ba2et matlab gamaheery walla eh 😀

    el blog da shaklo 7ayzawed nesbet el batala aktar mahy zayda LoL

  7. 7lwa di awi i liked it bs enta twlt awi fi ela5r fi mwdo3 nas w nas da bs all on all to7fa msa

  8. f3lan tawelt shwya bas kont ba7awel alemm akbar qadr mn el tanaqodat elly f a7wal el nas elly benshofhom

    thx a lot ,eman

  9. gamda gaden w bgd btwsaf 7alna….f3ln kolna 23deen ntfrag mosh bn3mal ay 7aga 3’ir enana 23deen ….kol el-donia btlf mn 7walina w e7na 23deen..ma shaa allah 3lik bgd to7fa

  10. u r always welcome..
    thx 4 stopping by, Samsom


Comments RSS TrackBack Identifier URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

  • عدد اللي عدوا ع-السلم

    • 15٬514 بنى آدم
  • أحسن مشاركات

  • التصنيفات