على فين يافرى؟!؟

img_7788

فى خلال الكام يوم الى فاتو . كان الكلام بيدور حول موضوع البوست اللى جاى . و استقر الراى على فكرة كل واحد فينا احنا الثلاثة فعلا بيشوفها من وجهة نظر مختلفة … من غير كتر كلام … الكلام على فكرة البنت الفرى .

ظاهرة و اتعرضنا ليها كتير قوى فالايام اللى فاتت … من ان احنا اساسا علاقتنا بالجنس اللطيف بدات تبقى قوية خلال السنة اللى فاتت او سنة و كام شهر مش اكتر . لما بدات الدنيا تفتح ابوابها . لما بدات عيونا بيص لابعد من فراعنة و شارع 45 . افتكر من كام سنة قبلها لما كان العربية و الفلوس و البنات احلام بنهزر بيها واحنا قاعدين على القهوة . و الخمسة جنية بتعات كل يوم اللى كانت عارفة طريقها من قبل ما تدخل الجيب …. و الله كانت ايام حلوة قوى .

المهم دخلنا العالم المرعب دة من بابة الواسع … و بقول علية مرعب عشان فعلا بالامانة العالم دة ممكن يسرقك من نفسك … و شفتها فى كذا مثال قدامى .و فى جحر من حجور العالم دة كانت البنت الفرى قاعدة .. بنت من النظرة الاولى تاخد عنها انطباع انها صاحبة كذا شخصية … بعد ثلاث اربع جمل تطلع بانطباع مبداى انك بتتعامل مع شخصية قوية …بعد اربع خمس ست ايام من المعرفة يبتدى الوجة الاخر للعملة يظهر … شخصية ضعيفة بتدارى اخطائها بنظام تقليدى و قديم جدا اسمة ” كلوهم بالصوت ” . النظام دة بقى مسنود على اعتقاد اعتقد انة برضة بدائى هو ان احنا فى سبق و اللى هيفرض نفسة الاول هوة اللى هيكسب .

و اللى اخدت بالى منة بردة ان البنت دة غالبا ما بيكون فى تصرف غلطت فى حياتها … بتشرب سجاير او حاجات تانية , لبسها مش ظريف … الخ. و ان كان انا ليا موفق من موضوع شرب البنت للسجاير تختلف عن نظرة المجتمع ” المصرى ” للموضوع … عن نفسى بشوفها تصرفات غلط من ناحية تانية غير المجتمع بيشوفها منها . يعنى مثلا السجاير .. المجتمع شايف البنت اللى يتعمل كدة مش تمام .. مع ان الولد بيعمل نفس الحاجة … من وجهة نظرى هى غلط على الكل لان فى النظرة دى للبنت تمييز للولد عليها. الحوار اللى فعلا خلانى ارفض التعاطف مع النوعية دى من البنات هى العند و المكابرة . يعنى كل متحاول انك تتكلم مع واحدة منهم و تفهمها ان تصرفاتها غلطت . و حتى لو هى مش مقتنعة بكدة اضعف الايمان لازم تراعى ان الاغلبية و مش هقول المجتمع معارضة للتصرف دة و تلاقى قصاد دة طوفان من الرفص للراى الاخر مدارى وراة عند ورفض لفكرة ان اللى بيحصل دة غلط و ان الاعتراف البغلط هو اول الطريق لانى اعرف مشكلتى و اخلها . و بدل ما يبقى الغلط فى الشكل و مش فالمضمون يزيد و يوصل لحد قلب الانسان …. و ساعتها ؟؟؟

Advertisements

6 تعليقات

  1. ana shayfa enk nfsk mt5abt f ra2ik
    w wad7 awi mn mwdo3 el sagayr
    el moshkla en elmwdo3 nsbi gdn
    w mmkn t2asmo levels
    w et3aml m3 el level eli yry7k
    w malosh lazma el levels eltania
    ya3ni mmkn t2bl l7d el sagayr
    w b3d kda l2

  2. اولا … شكرا على المشاركة
    ثانيا .. بالنسبة لموضوع المستويات ..
    المستويات دى مش انا و لا انتى اللى ممكن نحددها , اللى ممكن يحددها هو المجتمع و دو بيبان من خلال قبولة لتصرف بيطلع من مجموعة من اشخاص و الاغلبية بترفضوا او بتقبلوا . و بالنسبة للبنت الفرى فكلامك صح ان الموضوع فعلا مرن جدا و الدليل ان المجتمع نفسة مش عارف يقبل الظاهرة او يرفضها . و عشان كدة بقى فى اللى اتنى بتقولى علية ” المستويات ” لحد ما ربنا يسهلها و الاغلبية توصل لقرار و كل دى بطريقة عرفية

  3. عموما احنا لو بصينا لفكرة تتعامل مع مين و متتعاملش مع مين حتلاقي انك لازم تتعامل مع الكل…و بدون حواجز مبنية على ظواهر زي شرب السجاير على سبيل المثال…
    لانك لو قررت ماتتعاملش مع حد يبقى انت اصدرت حكم عليه من الظاهر و ده في حد ذاته غلط كبير بنقع فيه…
    اكره الغلط متكرهش اللي يغلط

  4. 3gbni title bta3k awi…bs mynf3sh en kol wa7d yla2i bnt free showia yb3d 3nha lazm t7awl t3’yrha akid hya fi 7aga wsltha l kada w lw kol 7d kwys b3d 3nha 3shn hya free msh 7yfdl 3’er el7d ely msh kwys m3aha ely hwa 3yzha asln 3shn hya free w elmwdo3 7yzid mn sgayer l shisha l …..7agat kteer awi leh e7na mn7wlsh n3’yr da w specially enk wld msh bnt 7n2ol 3shn som3teha w kda….thnx

  5. ana shayfa en elmas2ala sa3ba awi
    w elmogtam3 nafso msh hy2dar y7ded levels sa7 aw 3’alat
    so lazm enta t3ml l nafsk level tet3aml m3ah
    akid msh hat2at3 ba2i el nas
    bs msh hyb2a fi 7dod binko
    3ashan kl wa7d y7afz 3ala msa7et 7orito
    mn 3’ir mayigi 3ala 7oriet 7d

  6. ما هو لما يبقى الموضوع صعب الحكم علية واتخاذ اى قرار فية . كل واحد بيرمى الحمل على اللى حوالية ومش بياخد قرار . ودى تفسير اللى انا كنت بقولك علية فى التعليق السابق.عشان كدة انا رأى ان احنا كلنا نسلم و نرفع ادينا و نقول ” الله اعلم ” انا لما كتبت الموضوع دة كنت شايف البنت اللى بتتحامى فى كلمة بنت فرى هى فعلا شخصية ضعيفة . لان انا شايف ان البنت دى بتاخد من كلمة فرى ستارة بتدارى فيها شذوذها عن سلوك المجتمع اللى حواليها . بغض النظر عن التصرف دة صح او غلط فى الحقيقة العلمية . لان التصرف دة ممكن يكون عادى علميا فهو غلط مجتمعيا . فبلدنا المجمتمع هو اللى بيحدد الصح من الغلط . و الجميع لازم يلتزم بالكلام دة . فهمتى قصدى ؟


Comments RSS TrackBack Identifier URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

  • عدد اللي عدوا ع-السلم

    • 15٬836 بنى آدم
  • أحسن مشاركات

  • التصنيفات