قال دكتور قال……؟

sdsdsd-1

موضوع غريب … و بوستين اغرب من بغض … و الدنيا مكعبلة خالص ….قال دكتور نفسانى قال … احنا محتاجين مستشفى نفسية كاملة نعد فيها و كل واحد فينا يحجزلوا اربع خمس دكاترة يربطهم جنبوا و يدى كل واحد فيهم موضوع مضايقة .

منك لله يا واد يا خشب . قلبت علينا المواجع ..الحبيب اللى راح و جرح , التوهة اللى مش عارفين نفوق منها لدرجة ان الواحد بقى عامل زى الموتور اللى عمال يلف و خلاص ,لا هو عارف بيلف فين و لا لية و لما بيتعب بيقف و كان الله بالسر عليم . ياه يا واد يا خشب لو الواحد قال الكلام اللى جواه… هقولك كلام ولا السحر الاسود . لاتبقى عارف ياثر فيك ولا تخاف منة . تفكر فية ميييت مرة كل يوم و ما تعرفش توصل فية لاى حل .

هقولك عن الحلم الجميل . و فكرة الرومانسية المطلقة اللى ممكن تدمر بنى أدم و تموتوا بالمعنى الحرفى للكلمة . لدرجة انة ميبقاش حاسس باى حاجة فالدنيا . الوحش قبل الحلو. مبيعرفش الالم ولا الفرح .لا المتعة فى اى من صورها بالمعنى الواسع للكلمة و لا الملل من الروتين المسيطر على حياة الناس كلها .

عارف …. احمد ربنا ان محدش بيروح للدكاترة النفسيين . عشان لو الناس بتروح لدكاترة نفسيين كان زمان عيادات الدكاترة النفسيين شغالة اكتر من القهاوى . الناس مليانة هموم . محدش عاجبة حالة . كل واحد شايف الدنيا سودة فى عينية لدرجة اننا بقينا بنشوف زيزى بالنظرة بتعاعت ابوصلاح . حتى الدكتور النفسانى عايزلوا دكتور يعالجة . وكلة من الله يسهلوا اللى ملت البلد …منك لله يالى فى بالى .

الموضوع بقى اللى نفسى اسأل فيه الدكتور بتاعكوا ليه كل واحد بيوصل للمرحلة دى .لية كل يوم بنكبر الحياة بتموت جوانا. لية كل ما بنشوف الدنيا اوسع مبنشوفش نفسنا و لا بنحس الاحساس اللى بنحسوا وحنا شايفين على قدنا . مع اننا المفروض بنكبر و بنتعلم و بنبقى عارفين الدنيا ماشية ازاى . يعنى المفروض اننا بقى عندنا خبرة نقدر نواجة بيها مشاكلنا .

اقولك سر. انا بقيت بشك فيك . انت و الدكتور و ابو صلاح … و زيزى و باباى .. شوية عيال يأسانة مش عارفة تعمل اى حاجة تقوم تنشر فكرة ان مفيش امل . باباى رمزالرجولة بتاع خمرة ؟؟؟؟ دى لو الخمرة هتخيلنى اشيل عربية بدراع واحد كان واحد صاحبنا انتو عارفينه بقى سوبر مان . دة بدل ما تقول ان باباى بياكل السبانخ بتاعت فاين فودز . تبقى نفعت الشركة و نفعت العيال الصغيرة و اديتهم امل فى ان هما يبقوا احسن مننا و عملتلك سببوبة . و لا الدكتور بتاعكوا اللى ماشى على اغنية جورج وسوف ” ارضى بالنصيب ” مش لازم تنام بعد الظهر يا خشب. … اية يابنى وقف الحال دة . هو يكمن كلامة صح فى ان المرحلة دى بتعدى على كل واحد فينا . بس الاستلام للفكرة الهابطة دى هايقعدك فيها اكتر . و فعلا هتشوف زيزى نصابة و بطوط افا.

قال دكتور قال ……….. فعلا دى كانت معرفة …..

Advertisements

تعليق واحد

  1. .لية كل يوم بنكبر الحياة بتموت جوانا. لية كل ما بنشوف الدنيا اوسع مبنشوفش نفسنا و لا بنحس الاحساس اللى بنحسوا وحنا شايفين على قدنا……3gbani el7eta di moooooooot bgd nice post keep it up;)


Comments RSS TrackBack Identifier URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

  • عدد اللي عدوا ع-السلم

    • 15٬514 بنى آدم
  • أحسن مشاركات

  • التصنيفات