ربنا على المفترى

untitled-3

يا مساء الفل والياسمين علي احلي واجدع ناس حلوين

طبعا كله حيسأل نفسه مين الافندي الجديد اللي داخل يرمي المسا  ده

حقولكم انا واحد من الملايين اللي قاعدين علي السلم بس انا حالفني الحظ اني الاقي شباك اقدر اطلع منه واقول فيه رأيي للعالم واتمني ان كتاباتي تعجبكم ، وطبعا انا مؤمن ان الاختلاف فى الرأى لا يفسد للود قضيه بس المهم اننا نتناقش ونسمع بعض.

انا الصراحه قعدت افكر كتيييييييير يا تري اول موضوع اكتب فيه يكون ايه يا واد يا عمر ملقتش حاجه بتستفزني اكتر من المناظر والاستايلات اللي واحد بيشوفها في كل حته دلوقتي ،

البديهي ان اول حاجه بنشوفها وبنبني عليها رأينا في الانسان اللي قدامنا هو شكله ولبسه وبعد كده بقا الشخصيه والدماغ والحاجات الكتير دي

بس اول حاجه بتبقي المظهر الخارجي علشان كده لازم الواحد يخلي مظهره الخارجي يدل عليه وعلي شخصيته ، المصيبه بقا ان في ناس كتير اوي ماشيه مع الموضه وخلاص سواء كانت بتناسبهم ولا لا

جرب في مره انزل الشارع واتفرج علي الشباب اللي ماشيه او اللي واقفين علي النواصي مستنين الساقطه واللقطه

حتلاقي بقا الحلاوه والاستفزاز كله اللي لابسلي قميص بيلمع من عند ام ترتر واللي مقضيها تسقيط ومنزلي البنطلون لغايه ركبه واللي مواقفلي شعره قال يعني ديك شركسي واقف في العشه

الصراحه استيلات لو بتعبر عن شخصيه اللي لابسنها فعلا تبقا مصيبه سوووووووووده.

نيجي بقا للبنات الحلوين القمامير اللي مش بيستفزونا بس لااااااااااااااااا ده بيعملوا فينا حاجات تانيه خااااااالص

بعيدا بقا عن الكت والباديهات الضيقه اللي بتبين اكتر ما بتداري والبنطلونات اللي بتتلبس بالصابون دي اللي تخليك تجري وراها بالميل يا معلم

زودوا بقا الطين بله يعني مش كفايه ان البنطلون ضيق اساسا ومبين بلاوي لا راحوا راسمين عليه من ورا كف ب5 صوابع بتعمل ايه بقا الكفوف دي او ايه لازمتها بالظبط ربك العالم

وتلاقي بادي محزق وملزق اساسا ومكتوب عليه look

طب ما احنا بنلوك اساسا مش ناقصين حد يقولنا نعمل ايه يعني او ربما يكونوا كاتبين كده علشان تعمل حسابك وتقضيها بحلقه بس متفكرش في حاجه تانيه يا وحش برده ربك العالم بالنيات

ده غير القصير وابو فاتحه وكتب كتاب وهيصه يا معلم ( ولله احنا لينا الجنه علي اللي بنشوفه ده ) وفي الاخر يقولك ليه حالات التحرش والغتصاب زادت في البلد؟…………..ارحمونا وانتوا مش حتلاقوا حاجه من دي بتحصل

المشكله بقا انك لما تحاول تنتقد او تعلق او تفكر تنصح تلاقي الكلمه المشهوره في انتظارك………. ( دي حريه شخصيه انتا ملكش فيه  وبعدين لو مش عاجبك متبصش ) طب ازاااااااااااااااااااااااي محنا شباب برده وحلوين اوي بالصلي علي النبي

وفي الاخر مفيش حاجه بادينا غير اننا نقول من كل قلبنا ( ربنا علي المفتري )

توقيع:

ابو عمر

Advertisements

5 تعليقات

  1. مبروووووووووك يا عمووووور علي اول بوست:):)
    عاجبني اوووي ان العنوان لايق علي الموضوعP:P:
    بس جامده مووووووت (طب ما احنا بنلوك اساسا )و انا اللي كنت فاكرP:P:
    لأ بس تحفه البوستD:D:
    مستنيه البوست اللي جاي 🙂

  2. a7la kalm wallahy ya abo 3mr
    w elmoshkila ano fi3ln ely byrod by2ol ano 7orya shakhsya mabyb2ash 3ref ya3ny a 7orya aslan
    w bigad rabna 3ala elmoftry

  3. nice post ya wad yabo 3omar .. we monazterank ba2a fel post eli gamaher kolaha mestaneya .. beta3 allah yesahelo da … mestaneyeno

  4. thx ya emo ya 3asal ya raf3a men ma3nweyaty……………mate2la2sh ya bassem beh 2oryb awe 7tla2y meny mawdo3 el7oreya elsha5seya da………..la2eno bardo mostafez awe elsara7a…………..we tab3an thx ya mavrox ya a5oya we ana 2lly mestany a3raf mawdo3 elpost elgamahery da

  5. hwa el mwdo3 gamed y mori bs brdo enta brdo momkn knt mtbosesh 3l my3gbksh wf3ln de 7orya shakhsya zy wenta y3ny y 3omr lw el mwdo3 mdy2k 2wy keda 2b2a ghod basarak 😀 😛 BS BGD BGD el mwdo3 gamed y mori


Comments RSS TrackBack Identifier URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

  • عدد اللي عدوا ع-السلم

    • 15٬514 بنى آدم
  • أحسن مشاركات

  • التصنيفات