رجالى…حريمى…اطفال

1397320509_532948dfe2

اللى قاعدو على السلم الاسبوع ده قالولى اكتب عن اللبس…ومحدش دماغه تروح بعيد

اللبس اللى الناس بتلبسه….الملابس يعنى

المهم انا مبقتش عارف اتكلم على ايه ولا ايه؟

ولما جيت اكتب لقيت ان الموضوع صعب اوى الكلام فيه

عشان اللى بنشوفوا فى الشارع مش شوية

ولما سألت ولفيت اكتشفت انى انا اللى وقفت مكانى و مش مواكب العصر

وان الموضوع كله شوية تعريفات اتغيرت….وانا معنديش اى خلفية

سمعت ان الموضوع لى علاقة بالمساواة

فبما ان البنت زى الولد…..ففى ولاد قرروا انهم لازم يبقوا زى البنات

وبرده لى علاقة بالحرية الشخصية والمثل القديم بتاع “كُل اللى يعجبك والبس اللى يعجب الناس”

ده برده اتغير خصوصا عند البنات فبقى…”كُلى الناس ومتلبسيش حاجة خالص”

فالموضوع طلع لى ابعاد تانية انا معنديش علم بيها ده بيرجع برده الى كونى رجعى ومتخلف

فمن التعريفات اللى اتغيرت مثلا:

القميص: على ايامى كان فى نوعين من القميص واحد عادى والتانى قميص النوم بس دلوقتى فى مصممين ازياء قدروا يخلطوا بين الاتنين عشان المساواة زى مقولنا وبقى فى قمصان رجالى بترتر وبتلمع ووصلى اخبار من مصدر رفيع المستوى انهم بيشتغلوا دلوقتى على صفقة قمصان رجالى برده بس حمالات

البنطلون: هو حتة قماشة فيها فتحتين على شكل الرجل وعند الولاد بيبدأ من اى مكان فوق الركبة مش لازم الوسط وده الجديد وعند البنات هو بيبقى ضيق على قد ماتقدر وكل مكان ضيق يبقى احسن لدرجة انى سمعت ان فيه بنات بتخس عشان تلبس البنطلون وتبدأ تاكل عشان تتخن جواه

البوكسر: بقى أهم (خد بالك من اهم دى) قطعة فى لبس الولد لأنه بعد تغيير تعريف البنطلون اخد وضعه وطبعا مسلمش من موضوع المساواة ده

وفيه تعريف مستجد لسه مكتشفه قريب والحمدلله انى اكتشفته وهو الكارينا انا الاول كنت فاكر ان البنات بتضرب ورنيش على جسمها بس اتضح ان ده اختراع جديد ابتدى يغزوا العالم بيسموه الكارينا

والكارينا: هو شئ بيتلبس مكان اى شئ فتقدرالبنت تستغنى عن الشئ ده….يعنى يتلبس مكان البدى تقدر تستغنى عن البدى….مكان البنطلون تقدر تستغنى عن البنطلون

وتقولها “ال……باين”….تقولك بثقة..” الله منا لبسه كارينا”

الحجاب: لم استطع ان استدل له على تعريف

وغيروا وغيروا من التعريفات اللى اتغيرت واحنا قاعدين

بس بغض النظر عن التعريفات فى كمان الالونات….انا فاكر وانا عيل صغير يجى 9-6 سنين كده كنت برفض رفض تام انى البس اى حاجة حمرا….وكنت بعتبرها اهانة لرجولتى

ياسلام ياواد يابو صلاح راجل وحمش من يومك بس كبرت شوية وبقى الاحمر ده حاجة عادية بقيت البس احمر بس فنفس الوقت وقفت قدام العالم كله ورفضت انى البس بمبى ايوة….انا مش بلبس بمبى….ومش هلبس بمبى

مش هطول عليكوا واخر حاجة هتكلم عنها التى-شيرتات العجيبة بالكلام العجيب اللى مكتوب عليها بالانجليزى اللى لى معانى غريبة اراهن ان اللى لابسها مش فاهم ايه اللى مكتوب عليها او فاهم وبيستعبط ودى هسيب الصور تتكلم عنها

2385707082_81bb1fc1dc

I am a sewing machine

يعنى انا مكنة خياطة ….يابنت اللذينا

ssss

My pee pee is BIGGER than yours

ودى يعنى البيـــبى بتاعى اكبر من بتاعك

وطبعا العيب على اهله

untitlssed-1

Are You My Daddy?

وده ربنا يكون فعونه وعون ولدته….عشان مش عارف مين ابوه

تقريبا ده عبدالحليم فى الخطايا وهو صغير

untxcxitled-2ساعات المعلومة دى الواحد ممكن يحتاجها

untitleaasd-1محدش طبعا يتكلم نص كلمة على التى شيرت ده عشان ده بتاعى شخصيا….وكنت جايبه عشان لما ابقى رايح اقابل حد مخنوق منه

(التشيرتات دى قولوا انتوا ايه اكتر واحد مستفز فيهم)…..اكيد طبعا مش بتاعى

غير انها ليها معانى وايحاءات مش ولا بد كمان ملهاش دعوة بينا او بدماغنا او بأى حاجة فحياتنا كمصريين بس دلوقتى بجد بقى فى حاجة حلوة اوى بتحصل…فيه شباب مصريين بيعملوا لبس مصرى 100% بكلامنا ودماغنا وشكلنا….اللى بقولوكوا عليه ده هتلاقوه عند

دناديش

danadish

و زفير

222

و فوفو

8743
هحاول اجيبلوكوا عناوين ناس تانية وهقولوكوا عليها بجد دى فكرة جامدة اوى وجريئة جداً وياريت اصحى فيوم الاقى الناس كلها لابسة لبس مصرى بدماغنا احنا وفيه ثقافتنا احنا

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طلب لو حد فيكوا فى حاجة مستفزاه فى اللبس او وصلوا تعريف اى حاجة تانية ياريت يقولى ميسبنيش كده

توقيع:

ابوصلاح

Advertisements

4 تعليقات

  1. hhhhhhhhhhhhh…..nice post kal 3ada ya salooory 😀 7a2i2y mennak nastafeed….ana kan tool 3omry nefsy a3raf el Karina da…el wa7ed saqafto ta3bana awi ya a5y…

  2. كتير يجنن يااحمد
    فعلا عنديك حق كتير مصطلحات ومفاهيم عندينا بنات واولاد اتغيرت وشم عارفين اصلا اصلها فين ولا حتى جبناها منين من كتر مابنغير ومش نعرف بنغير ليه ولا عشان ايه
    واهو تغير والسلام
    keep it alive ya ahmed t
    great idea

  3. amazing as usual…nothing more to say:D

  4. 2llah yer7am 2lpandakor bta3 matrou7 wel boxar 2l meshagar yabo rabin


Comments RSS TrackBack Identifier URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

  • عدد اللي عدوا ع-السلم

    • 15٬514 بنى آدم
  • أحسن مشاركات

  • التصنيفات