انا فاكر واحنا في المدرسة…اخدنا درس في اللغة العربية اسمه
قصة نظرة” ليوسف ادريس” و كان بيحكي عن بنت صغيرة شافها ماشية في الشارع شايلة صينية بطاطس فرن…وشكله كان جعان ساعتها فطلبت معاه يكتب قصة.. عادي و هو خسران ايه؟؟ ماحنا اللي بندرس في الآخر و يطلع عنينا فـ مفردات و تحليلات و معاني كلمات و استعارات مكنية و تشيبيهات ملوية!! كل واحد حيشوفلي بت ماشية في الشارع يكتب عليها قصة و يوجع دماغ ابونا بقى حفظ و مذاكرة!! و في الآخر اجيب 24….يرضيك يا عم يوسف بأم صينية البطاطس اللي معرفش اتـنـيـلـت اتدلقت في اخر القصة ولا وصلت بخير….كان حقك نزلتلنا جزء تاني طمنتنا عالبت!!
و لأني مش يوسف ادريس…و لأن زمنا مش زمن يوسف ادريس…و لأن المزة للي انا شفتها غير المزة اللي شافها يوسف ادريس…اختلف الكون من حولنا و اختلفت نظرتنا….و هذه كانت نظرتي في عام 2009 …
يوم طبيعي من ايام الكلية….عارفين انتوا اليوم الطبيعي في الكلية…خلق رايحة و خلق جاية….منهم اللي تعرفه واللي متعرفوش…..منهم اللي بتفكر تعرفه و اللي مش عايز تبص فـ وشه….اللي قاعد و اللي ماشي…و عادة جنب كل فعل مؤنثه….جنب فعل قاعد تلاقي قاعدة…جنب فعل واقف تلاقي واقفة…إلافعل ماشي…مؤنثه كان ضايع يومها مش لاقيينه…و اخوكم كان ماشي مع واحد صاحبه….
و في وسط الوجوه اللي معدية علينا…صادفت وجه من وجوه دفعتنا المألوفة….و طبعا عشان تدخل قايمة الوجوه المألوفة لازم تتميز بحاجة فريدة تؤهلك للقب وجه مألوف…و هي مؤهلاتها كانت عنيها الزرقا… و طبعا مش كل الناس بتتعرف من وجوههم بس…كل واحد و مؤهلاته بقى….
المهم…و لأني مش متعود أبحلق في المؤهلات -احمممممم- قصدي في العيون….نزلت عنيا بسرعة…..لكنها نزلت مني على ما اسفل الوجه….التيشيرت يعني…معرفش ليه لما لمحته اتوغوشت و حسيت اني لمحت حاجة مريبة…حاجة كده شبه حاجة تانية كده شفتها في حاجة مالحاجات اللي مش كويسة…. و قبل ما أميز اللي شفته و اتحقق من اللي فـ دماغي….مسكت البنت الاسكتش بتاعها و لفت اديها حواليه و حطته قدام التيشيرت….اخوكوا كبرت في دماغة..و مش متحرك قبل ما اتأكد ماللي شفته….فضلت رايح جاي واقف ماشي عنيا متابعاها….في انتظار اللحظة اللي أقدر أشوف فيها بوضوح….. و فجأة!!!!!!!!!!!!!! نزل الاسكتش…و شفته اللي كان نفسي اشوفه…
(التيشرت متسرحوش مني)….شفت بعيني….و برضة مصدقتش…قلت يمكن ده من آثار الفول اللي ضربته عالصبح…سألت صاحبي و طلبت منه يشوف اللي عالتيشيرت و يقولي…. و بعد ما بص برئلي فجأة و قاللي هو مش دي الــ…. بتاعة الـــ… اللي فيها بنات بيـــــ….قلتله بس….متكملش…احنا واقفين في حرم جامعي محترم….
قاللي عادي ياعم هو مين ميعرفش البلاي بــ(و هنا مسكت بقه) دي فاتحة بيوت..مربية أجيال دي..
ونعم التربية!…طيب انا قولت البت دي حاجة من تلاتة ملهوش خامس:
يا هي لابسة التيشرت و مش عارفة اللي مطبوع عليه ده يطلع ايه….و ده يبقى جهل…
و الحق عالبلد…مهو لو كانوا درسولنا الثقافة (ال مش كويسة) في المدارس كانت البت عرفته حتى من كتاب التمارين…
يا هي اشترت التيشرت و لبسته منغير متشوف اللي عليه…و ده يبقى هطل…
و العيب برضه عالبلد اللي سابت الصيدليات تبيع كيميا للشباب…
يا هي لابسة التيشيرت ده و عارفة و فاهمة اللي مطبوع و مكتوب عليه…و ساعتها بقى تبقى شــ (ممممممم ‘يابني سيب بقي’) –
وطي صوتك يابني حتفضحنا…احنا في حرم جامعيl
بلا حرم بلا نيلة بقى سيبني يا جدع انتا…ده كتييييييييييييييييير
انا جاي اتعلم ولا أتفرج على (مممممممممممممممممم) يا عم شيل ايدك سيبني اتكلم…………. …
و بعد ما هديت و قلت اخد الموضوع بعقلانية..احترت اعمل ايه…اسيبها و امشي ماهي حرية شخصية….طب اقولها يمكن تكون مسكينة و متعرفش ويتاخد عنها فكرة مش ولابد…والشباب مابيصدق…طب أقول ازاي…ولا أقول ايه ؟
أنا قررت أستشيركم لأني معرفتش أوصل لاجابة..
منك لله يا قاسم يا أمين!
توقيع
—————————-
22 تعليق
Comments RSS TrackBack Identifier URI
اللى قعدوا ع-السلم 
سنة الدنيا هي اعجاب المهزوم بالمنتصر .. و تقليده بلا عقل .. كما قال ابن خلدون ..
و نحن مهزومون الأن فلا تأسى و فكر في التغيير الأيجابي ..
دمت بعافية و مقال جميل..
ماجد
مدونة لعيون لين ..
http://www.majedlife.com
معاك حق يا ماجد….شكرا لمرورك…
بس فكرة ان حد يقلد بدون حتى ادنى فكرة عن اللي بيقلده يبقى كتير كده اوي…
بالظبط زي ماقال ابن خلدون….تقليد بلا عقل.
مش عارف لو كان ابن خلدون عاش زمانا ده كان قال ايه
hhhhhhhhhhhhhhhhhhhhhhhhhhhh
sade2 yabny wallahy
mana kont m3ak we baktem bo2ak
hhhhhhhhhhhhhhhhhhhhhhhhhhhh
enta lazem tesya7 ya3ny
i wait another comments
bas msh mla7ez en b2alha kteer magatsh bih!! ykonsh 7ad saba2ny w 2allaha…7az3al 5ales
7lwa awi bgd b3’d el nzr 3n kst nzra ely enta 2lbt 3lina el mwag3 biha bs 7lw mixture ely enta 3mlto da y3ni nice idea enk td5ol biha lel mwdo3 bs akiiiiiid tb3n msh 7tro7 t2ol lel bnt di eh ely mktob 3la t-shirt in all cases l2nha lw mt3rfsh 7tksfha w lw
3rfa 7t2olk w enta malk w tb3n iza kant kda aw kda enta fi kol el 7alat mfhom sa7 asdi 3’lt :P:P so msh ynf3 t2ol asln akid 7ygilha youm w t3rf bs bgd nice post
liih bas dana 7atta nyeti salima 😀 w b3deen msh a7san masebha tigy mel 3’areeb 😛
kaman el mwdoo3 lih ab3ad tanya ya eman……”el bent 3niha zar2a” (L) lol…
thx EmooZ…i’m so glad u like it!
yabo 7’ashab … hena e7na 2odam nazareyeten mohemten .. el awalyena tetla7’as fe el mabda2 el deni … men ra2ay menkom monkaran fal yo3’ayro …wel mabda2 el mabda2 el tani mabda2 egtema3i shaher esmo tanish te3esh we takol 2ara2esh … besara7a ana bel nesbali afdal el mada2 el tani .. we kol da 3ashan el mabda2 el awalani di law taba2o yeb2a kane2i haro7 adan fe malta
mahy el salbeya di elly mwadeyana f dahya…eh 7te5sar eh ya3ni lma troo7 t2ollaha
3’ayet ma fiha lw el bet aggressive awi 2alameen 3la weshak…3ady ya3ni zay shakket el daboos….w ew3a tfakkar f manzarak odam el nas 😛 eb2a afakarny a2ollak masal lateef ebn 5ali by2olo bass bellil 3al ahwa mynf3sh hena
walahi ana shayef en el mamda2 el dini dh byb2a fi 7dod soltank
ya3ni el 7d eli enta lik 7okm 3alih
w ela kan wa7d 2alk mn ra2a mnkom monkarn falyo3’ayrho byadh
w f 7altna di alf meen y3’ayar
bs el natayg msh hatb2a kwysa 5als
LooL…hya fekra…bas di fiha 3 sneen segn delwa2ty…
enshalla 3anaha ma 3erfet wla etnayelet ana adaya3 mosta2baly 3shan t-shirt 😀
سلااااااااااااام:
لست أدري ماذا أقوووووووووووووووووووووووووووول ، حقا أسلوبك الساخر أكثر من رااااااااااااااااااااااااااااااااااااااائع وأنا ماقدرتش أتوقف عن القراءة من أول مدونة لآخر مدونة، كادت عيوني تنفجر سامحك الله ، كنت تخفف شوي ، ما عرفتش أعمل إيه أضحك ، أبكي ، أخجل ، أبتسم والله حيرتني وطبعا هذا كوم وخبثك الباين في المقالات كوم ثاني على حد قولكم ، وطبعا متزعلش كلنا عندنا نسبة من الخبث والطيبة بتزيد وتنقص حسب الموضوع ، بس والله حببتني في القعود على السلم بدل ما أنا لا قعدة ولا واقفة لا صاحية ولا نايمة ، وأكيد لو تحقق حلمي في يوم وزرت مصر عشان الأهرمات طبعا حاجي أقعد معاك عالسلم ولو ساعة بس ، شكرا كتير على المقالات الرائعة .
ما أنسى أتمنالكم الفوز على زامبيا بس علينا لا…………..بس اللي يلعب مليح يستاهل بلا تعصب.
تحية خاصة جدا من بنت الجزائر.رايي.
انا بعد الكلام الحلو ده اتمنالكو تفوزوا على رواندا و زامبيا….. و مصر نفسها…بجد شكرا اوي على كلامك…اصلي جديد في موضوع الكتابة ده و مش عارف حاكمل فيه ولا لأ….بس الناس الحلوة اللي زيك هي اللي حتخليني أكمل…
و تنوري السلم طبعا….لكن ربنا مايكتب عليكي القعدة عليه….انما ممكن تزوريه زي ما حتزوري الأهرمات كده…
السلم حيبقى مطلب شعبي….انا كنت حاسس ان المدونة دي حتزود نسب البطالة…ربنا يوفقنا…اهو حتى الواحد يحس ان في ناس ضايعة معاه…
نورتي المدونة….و اجدع ناس 😀
ايــــــــــــــــــــــــــــــــــــــه ياخشبوز…..انت بعت القضية عند اول محطة ليه كدة
ان شاءالله هنكسب كل الماتشات…..على فكرة احنا كمدونين قاعدين على السلم
هنسحب منك البوست الجى…وش هتكتب عن الانتماء
سورى رايى اصل الولد ده عصبنى لما باع القضية كده
بس عموما اهلا بيكى على سلمنا فاى وقت
وشكرا على رأيك فالمدونة…..بس بردو هنكسبكوا
اسف……….مقدرش 😀
عندك حق مبقاش منطقي اكتب عن الانتماء بعد اللي انا قلته ده….
انا اسف يابو صلاح دانا والله عندي 3 اعلام لمصر في البيت بانزل اجري بيهم في الشوارع لما نفوز….
ان شاء الله يا رايي حتخسروا من روندا و زامبيا و مصر…و حيقفلو اتحاد الكورة عندكو و تتشطبو مالفيفا…
حتسيبني اكتب المقال الجاي يابو صلاح 😦 ؟
بس شكلي حكتبه بتوقيع
الندل
ايه الجمال والحلاوه دي يا واد …… بصراحه موضوع شديد شديد شديد
وبعدين كل دي نظرة …. ايه الفشر ده
ده انتا كان ناقص تعمل في البنت بريزنتاشن
بس بصراحه العيون دي تستاهل بغض النظر عن التيشيرت
hhhhhhhhhhhhhhhh…b3’ad el nazar 3n mwdoo3 el presentation da 3shan by2aleb 3laya el mwage3 😀
glad u like it ya 7ooooda…w b3deen homa msh by2olo el nazra el 2ola leek wel tanya 3alik…
ana a3adt nos sa3a fel 2ola 😛 nawart el blog
أسلوبك هايل………….و بجد بقى لازم كل الناس تفهم هيا لابسة أية مش هبل و خلاص
بس بالنسبة تقولها ولا لا……………أنا رأي أه طبعا لازم تقلها بأسلوب ميديقهاش لأن أنا متأكدة أن هي أشترينه عشان شكله بس من غير ما تفهم……….. و أنت عارف كدة ممكن تتبهدل أد أية
شكرا لمياء….بس ايه ضمنك انها مش عارفة و حتتقبل كلامي….ما يمكن تكون عارفة و تعتبرها سخافة مني اني قلتلها…و انا مضمنش رد الفعل بقى… 😛
عموما شكل حد سبقني و قالها…بقالها فترة مش بتيجي بيه…
نورتي البلوج
السلام عليكم
موضوع مش عارفه اقول فيه ايه
الله يسامحهم اللي كانو السبب
بس برده ارجع واقول ان قاسم امين مظلوم يا عيني
يعني عندك النت فيه الصح وبلا جدال فيه الغلط
وانت واللي تختاره بقي
المهم انا هقولك رائئ
اولا مفيش حد دلوقتي بقي في حاجه ميعرفهاش دول من ابتدائي بيبقو متاسسين
ورغم ان طبعا مفيش جدال ان طريقه اللبس دي مرفوضه بس علي الاقل دي بتقول للناس انا كده واللي عاجبه اهلا وسهلا
امال تعمل ايه بقي في اللي تبقي لابسه عبايه او اسدال او حتي جيبه وبلوزة ومفيش احترام اكتر من كده
وفجأة تشوفها قاعده جنب واحد عازمها علي كانز من الغالي ههههههههه تحت الشجرة يا وهيبة
دي بقي اللي من برة هالله هالله ومن جوة يعلم الله هههههههههههه
والله ربنا يسترها علينا مش عارفه ايه اللي جاي
حتي الرجاله انقرضو
وتلاقي البنطلون اللي مش ملبوس اصلا والتيشرت المفتوح والشعر المتكهرب وال ايه ولد روش
الله يرحم الحياء ويحسن اليه
و عليكم السلام ورحمة الله
عندك حق طبعا….كانوا بيقولوا زمان” المظاهر خداعة”……دلوقتي بقت “خداعة فحت”
اسأليني انا…. 😦
ايه ده هو الكانز الغالي بقى بيعمل شغل دلوقتي….من بكره ان شاء الله صندوق كاتز مالغالي حينزل الكلية على حسابي….جايز الفرج ييجي على اديه 😛
حياء مين بقى….ده في ناس مفكراها كلمة عيب….بس نفهم معناها الاول بعد كده ننفذها
شكرا عالرد…نورتي المدونة
الموضوع دة منتشر اوي
انما ان انت تقول للي لابسه تيشرت علية الشعار …..
انا جربت مرة اتكلم مع بياع في محل بيبيع دباديب علي شكل الشعاربتاع الشركة و حاولت افهم منو هو عارف دة اية لاقيتو عارف و بيتكلم معايا عادي جدا اكن بيكلمني علي دبدوب لـ تويتي !!
وكتبت عن الموضوع دة قبل كدة برضو http://hunikal.wordpress.com/2008/10/17/say-no/
, وياريت الناس تفهم ومتجريش ورا اي موضه جديدة وخلاص