الحب الضائع

sssss

هيسنا كتيييييييييير واتجننا كتييييييييييير واتكلمنا في الانتماء وفي الجنان وفي اللبس والاستيلات اتكلمنا معاكم في مواضيع كتير فعلا بس لما قعدت فكرت شويه كده مع نفسي اكتشفت اننا مكتبناش في مواضيع نكد قبل كده……….. نكد من اللي بيجي علي الوتر وبيخلي الدموع تنزل سيول من العين ……….. طبعا النكد اللي من النوع ده ميجيش غير من مواضيع معينه بس ………يعني مثلا وانتا في البيت ابوك طلبت معاه يغلس عليك شويه حتعيط؟ ……….. لا

وانتا في شغلك مديرك استقصدك حبتين حتعيط؟ ………..  لا

برده………. لو كنت متجوز وجاتلك سفريه بره البلد حتبعد فيها عن مراتك حتعيط ؟……….ده انتا حتاخدها جري بدل متستني الطياره

انما بقا موضوع زي موضوع الحب الفاشل ده اللي بيجيب من الاخر يا معلم………….ويا سلام بقا لو كان الحب الفاشل ده هو اول حب في حياتك………..يا عيني علي الاكتئاب اللي حيلبس اهلك ……….وللاسف اللي قعدوا علي السلم قرروا ان كل واحد فينا يفتح قلبوا الاسبوع ده ويسيح لنفسه علي اكتر قصه حب فاشله في حياته وكان العبد لله هو الضحيه الاولي……………واليكم  التفاصيل :-

اولا انا شاب مصري كنت عايش في الكويت واخدت ثانويه عامه من هناك وجيت هنا دخلت كليه هندسه وللاسف انا وحيد والدي ووالدتي………علشان كده يمكن كان مقفول عليا شويه وانا هناك مكنتش بقدر اعيش حياتي واخرج واشوف الناس كتييييير لان اهلي كانوا بيخافوا عليا اوي من اصدقاء السوء اللي هما بقوا ملايكة بالنسبالي دلوقتي .

ما علينا المهم ان علاقاتي بالجنس الاخر اتاخرت اوي لاني بدات فيها مع بدايه دخولي الكليه……..في مره قاعد علي النت عادي زي ما الدنيا كلها بتقعد عليه وكنت علي موقع شات من اشهر مواقع الشات المصريه ايامها قاعد بضيع وقت عادي……..لقيت فجاه واحده قدامي مسميه نفسها ( مصريه بالكويت ) وبحكم اني كنت عايش في الكويت وانا في الاصل مصري . شدني الاسم فقلت اتعرف عليها…………واتعرفنا واتكلمنا واخدنا ايميلات بعض وارقام بعض وطبعا هي كانت في الكويت وانا كنت في مصر بس ده مكنش ليه اي تأثير ايامها في صداقتنا……….وعلاقتنا استمرت عادي لغايه موصل الصيف باجازته وكنت كده كده مسافر الكويت لاهلي فاتفقنا اننا نشوف بعض . ( اكيد كنت شايف صورها قبل كده بس طبعا انك تشوف الانسان اللي قدامك فيس تو فيس بيبقا اجمل بكتير) .

المهم اتفقنا علي مكان المقابله اللي هو كان مول علي شارع الخليج اسمه ( مارينا مول ) وانا كان معايا واحد صاحبي ربنا يمسيه بالخير كان اسمه اسامه وهي كانت جايه مع اهلها يعني مكنتش حقعد معاها انا كنت مجرد اني حشوفها بس……… كنا متفقين اني حشوفها في الدور التاني وطبعا اخوكم لبس اللي علي الحبل بقا وكنت عامل فيها جون ترافولتا في زمانه وواقف قدام السلم الكهربا مستني القمر لما يطل………. وفجاه ظهرت قدامي بجد مش حقدر اوصفلكم مدي الجمال والحسن اللي كانت فيه حسيت اني شايف قدامي حوريه من حوريات الجنه اللي بنحلم عمرنا كله اننا نشوفهم بس……….بجد انا اتسمرت قدام السلم مش قادر لا اتحرك ولا اتكلم ولا اعمل اي حاجه كل اللي قادر اني اعمله اني ابصلها واحلم من جوايا انها جايه تقف قدامي واحضن اديها بايدي وابص في عنيها عمري كله بجد مكنتش عاوز من الدنيا اكتر من كده………. بس طبعا اسامه باشا قام بالواجب وصحاني من احلي حلم وقالي البت قاعده هناك اهي وبتبصلك انتا واقف هنا ليه……….قلتله معاك حق و قعدت اتنطط قدامها زي فرقع لوز علشان تعرف ان انا اللي العين عليه مش اسامه لتتلغبط بينا ولا حاجه وتبقي مصيبه………المهم اليوم عدا علي خير وشوفتها ودوبت فيها دوب وهي شافتني ويومها بليل سمعت منها اجمل كلمه سمعتها في حياتي كلمه( بحبك )…………..ياااااااااااااااااااه علي الشعور اللي جالي ساعتها لو قلتلكم اني بجد عرفت ساعتها يعني ايه انك تحس انك طاير فوق السحاااااااااااااااااااااب حتقولوا عليا كداب بس فعلا حسيت بالشعور ده حسيت اني اسعد مخلوق علي وجه الكوره الارضيه كلها ………..بس طبعا قلت اعمل فيها عمو التقيل واستنا عليها شويه ( وانا من جوايا كنت بموت في دباديب اهلها اساسا ) .

المهم الحياه مشيت علي الحال ده وطبعا مستحملتش وبعدها بيومين علطول قلتلها اني بحبها جدا ………..وعشت معاها اجمل حياه ممكن الانسان يعيشها …………سمعت منها اجمل كلام ممكن الانسان يتمني يسمعه حسيت معاها بشعور الحب الحقيقي اللي نابع من القلب حبيت شخصيتها العنيده وطبعها المودي جدا ورومنسيتها وجمالها وصوتها وشكلها واستايلها بجد حبيت فيها كل حاجه ……….وطبعا لاني بحكم التربيه راجل شرقي حبتين كان لازم اسستمها علي نظامي انا يعني لو في حاجه في تصرفتها انا شايف انها مش كويسه يبقا خلاص متتعملش تاني طقم مش لذيذ يبقا ميتلبسش تاني وكده يعني وطبعا ده كان بيخلق مشاكل بينا زي الفل بس كانت مشاكل لذيذه عامله زي الملح في الاكل مبنقدرش ناكل الاكل من غيره ……….واجمل حاجه بعد اي مشكله كنا بنقضي لحظات جمييييييييييييييييييييييله اوي وانا بصالحها وهي بتدلع عليا وبعد كده نقضي مع بعض اجمل لحظات رومانسيه سوا وكأننا لسه مقابلين بعض دلوقتي.

بشكل عام وبدون الدخول في تفاصيل اكتر من كده علشان منلغبطش في الكلام قضيت معاها بجد اجمل صيف . ونزلت مصر بعدها وعلاقتنا كانت مستمره يا اما عن طريق النت يا اما عن طريق التليفون المهم اننا كنا تقريبا طول الوقت مع بعض وكنا كل فتره يا انا بسافر يا هي بتيجي مصر وبنشوف بعض من وقت للتاني ومكنش الموضوع ده فارق معايا .

اه انا نسيت اقولكم اني اتعرفت عليها وانا في اعدادي هندسه وعلاقتنا استمرت ما يقارب ال4 سنين بس اكتر واجمل فتره قضيتها معاها كانت قبل منفترق بشويه بسيطه لان كانت جاتلي الفرصه اني اسافر الكويت ترم كامل يعني 4 شهور……….. بجد مش حقدر اوصفلكم شعوري كان ايه في ال4 شهور دول انا بجد كنت حاسس اني عايش في الجنه كنا طول الوقت مع بعض تقريبا مبنتفرقش……….. للاسف مش حقدر احكي كل حاجه بس فعلا انا وصلت لمرحله اني كنت حاسس ان الكون ده كله ملكي كنت حاسس اني بملك الدنيا وما فيها وكنت متاكد جدا من حبها ليا ………وكنت قايل لوالدي ووالدتي عليها وكنت عارف والدتها واخوتها يعني الدنيا كانت ظريفه اوي بالنسبالنا …………بس فجاه خلص الترم التاني ونزلت بقا مصر مع اهلي.

وفجاه حسيت بتغير فظيع في التعامل………عناد عمال علي بطال في كل حاجه بقولها خناقات بتتخلق من تحت الارض حوارات بحس انها بتتحورلي بس كنت ببلعها واقول يمكن في حاجه سيبك…………وفجاه لقيت انسان غريب اسمه هيثم بيضيفني علي النت……….قلت اشوف مين ده ……

انتا مين يا عم ؟………….انا صاحب فلانه………..انتا عبيط يبني ؟……….لا انا مش عبيط……….وانتا تعرفها منين ؟……….اتعرفت عليها في مره وهي ماشيه مع صاحبتها علي الخليج…………قلت اكيد الواد ده اهبل.

رحت مكلم الانسه……… يا بنتي انتي تعرفيه؟…….. لا …………. طيب هو عرفك منين ؟ ………. عرفني من فلانه بس انا مليش اي علاقه بيه………..طبعا زي الاهبل صدقتها وروحت للواد وطلعت عين اهله……….بل ووصلت اني استنيته لما جه مصر واتخنقت معاه خناقه لرب السما وتقريبا عمري في حياتي مضربت انسان زي مضربت الكائن ده.

وفجاه اكتشفت ان هو اللي كان كلامه سليم وان هي فعلا اتعرفت عليه بحجه انها شايفه صاحبتها كلهم بيخرجوا مع حبايبهم وهي مش عارفه تخرج مع حد فاتخنقت من كده اوي……….. وطبعا اول معرفت كده رحت اواجهها علشان اتاكد من الكلام لقيتها بتطلب مني اننا نفركش علاقتنا……………. طبعا اول معرفت انها فعلا اتعرفت علي هباب ده رحت مفركش معاها علطول بس حبيت اعرف الاسباب؟

الاسباب اللي وصلتني مع اني مش شايف انها مقنعه اوي بس اضطريت اقنع نفسي بيها……… اننا بعاد عن بعض معظم الوقت……… واني عملت اخطاء معينه مكنش يصح اني اعملها وبالتالي نزلت في نظرها وحاجات من كده.

اللي يجنن بقا ان لما حد يسيب حد كان بيحبه يبقا اكيد سايبه علشان لقي حد تاني احسن منه في اي حاجه ………….انما اللي عرفته انها  بعدها باسبوعين بس سابت الكائن العجيب اللي اتعرفت عليه ده لانه وقف في نص الشارع يعيطلها علشان متسبهوش ( يا عيني علي رجالتك يا بلدي ) وقالتلي بعضمه لسانها انا متاسفه اني سيبتك لاني فعلا مقدرتش الراجل اللي كان معايا بس عرفت قيمتك بعد معرفت العيل اللي عرفته ده…………بس للاسف  كان خلاص بقا كل شئ راح وانقضي وطبعا مش حقدر احكيلكم مدي الحزن والاحساس الزباله اللي عشت فيه بعد كده والاكتئاب اللي مسكني .

بس بعدها قعدت مع نفسي شويه وفكرت بعقلي اكتشفت ان اللي بعمله في نفسي ده لا حيقدم ولا حياخر ………..ابتديت اخرج شويه بشويه واشوف حياتي والحمد لله ربنا قدرني وخرجت من المحنه دي وشوفت حياتي تاني………..وعاوز اقولكم ان علاقتي بيها لسه مستمره بس في اطار الصداقه والعشره اللي كانت بينا يعني بنتكلم من وقت للتاني………… بنسأل علي بعض ………كده يعني.

وأدي الدنيا ماشيه واحنا بنجري وراها لا عارفين نحصلها ولا عارفين نقف نستني غيرها …………..وربنا يخليلنا السلم اللي احنا قاعدين عليه …………استأزنكم  دلوقتي بقا  لان الاكتئاب وصل ………..حكتأبلي اسبوعين كده وحرجع تاني …………..استنوني …..

( منك لله يا ابو صلاح علي الموضوع اللي اقترحته ده )

Advertisements

19 تعليق

  1. ماتخليش حد من اولوياتك و هو بيعتبرك مجرد شئ احتياطي يعني لمجرد انك بعيد تحب واحد تاني
    المفروض انك ماتزعلش لما تفتكر الموضوع ده لأن مش أنت اللي خسرت هي اللي خسرت حد بيحبها بجد و كان حاسسها اوي كده و هي لو كانت حست بيك ماكنتش قدرت تشوف حد غيرك هي بس كان ناقصها الاحساس ده ولقيته معاك عشان انت كمان عندك نفس ظروفها و ماتندمش على اي حاجه حلوه أنت حاستها هي اللي تندم انها ماعرفتش تعيش الاحساس ده…..

  2. يخليكي ليا يا ايمو يا رب………………….بس هو الصراحه خلاص تقدري تقولي فات وقت الندم والزعل والحاجات دي ………………خلاص بقا كبرنا وعرفنا ان الدنيا مش بتدينا كل حاجه احنا عاوزنها………….وربك بيعوض علي عباده …………..واللي مقسوملنا حنشوفه حنشوفه

  3. ana knt atmna a3esh story zai de 7ta lw fashalt…..al mohm .ant akiid mn gwak kont 7ass anha msh bt7bk bas kont btkn3 nfsak b al 3aks…..!!!!!!!

    • هاي هند سوري لو كنت اتاخرت في الرد عليكي بس بجد كان في ظروف خلتني اتاخر ………….لا يا هند هي فعلا كانت بتحبني وانا متاكد من كده بس المشكله الحقيقيه كانت في دماغها لانها مكنتش بتعرف تاخد قرارات سليمه وفي اصحابها لانها للاسف كانت شخصيتها مش قويه اوي مع اصحابها يعني اللي بتشوفهم بيعملوه سواء كان غلط او صح كانت بتحب تعمله وتجربه ……………وكانت بتشوفهم بيحبوا واحد وبيخرجوا مع التاني وكده فحبت تعمل الحركه دي بس للاسف مش انا اللي ممكن اعدي الحركه دي لان للاسف ابويا رباني علي اني ابقا راجل من بتوع زمان مش توتو من بتوع اليومين دول……………وطبعا اتمنالك تعيشي قصه احلي من كده مليوووووون مره وتبقي نهايتها سعيده يا رب …………..وكرا مره تانيه علي تعليقك الجميل ده واتمني انك تزوري مواضيعنا اللي فاتت كلها وتقوليلنا رايك فيها

  4. سلاااااااام:
    يقطع الحب وسنينو و الهم وأكلينو ، ماعرفش الناس دول بيفكرو زاي ، تبدل واحد بواحد زي القمصان ، هي لعبة ؟؟؟و الله دي الإنسانة مابتستحق الحب أصلا و إنت يا أبو عمر تستاهل ..علشان غرك المنظر همك الجمال و بس رغم إنها معفنة بتفكيرها أنا أصلا مش مقتنعة بالحب قبل الزواج لأنها أحلام وبتعدي و بعدين تصحى على النكد و الهم …اقتدو بيا يا ناس مش حتزوج ولا أحب أشتري راحتي أحسن …
    آسفة على الكلام الشديد أصلك عصبتني ….

    تحية من بنت الجزائر رايي……….

  5. سلااااااااااام :
    على فكرة فين مواضيع الفرسان الثلاثة المتبقيين ؟؟؟؟؟؟؟؟؟؟؟؟؟؟؟؟؟
    سلام لكل ناس السلم و الله وحشتوني …

    تحية من بنت الجزائر رايي………

    • لسة الفضايح جاية فدام يا رايي….
      منورة السلم دايما…

  6. لا ولله يا راي انا مهمنيش الجمال والمنظر ولا حاجه…………..بالعكس عاوز اقولك في الاول اانا لقيت اننا متشابهين في حجاات كتييييييييييييييير جدا سواء في التفكير او الشخصيه وفي حاجات كتير جدا…………وبعد كده بصيت للمنظر لقيتها جميله ……………بس صدقيني هي مش معفنه ولا حاجه انا لغايه دلوقتي بحترمها جدا واحنا اصحاب جدا وكل حاجه…………..بس عادي تقدري تقولي محصلش نصيب وخلاص اراده ربنا فوق كل شئ يعني……………ومعلش يا راي متزعلي مني بس انا فعلا مبحب حد يغلط فيها مهما حصل………….وبعدين الحب مسيره يجيلك ويعدي عليكي ده مفيش منه هروب………….ويا رب تقعي في قصه حب جميله تكون ندايتها ونهايتها جميله ان شاء الله…………ومتستعجليش الفضايح جايه قريب وحتشوفي بلاوي ………………وتحياتي لكل اهل الجزائر عندك

    سلام يا قمر

  7. rabna ma3ak ya bashaa
    bas bigd nice topic w isa tel2y el 27la minha 10000 mara ya raab 😀

    • ربنا يخليكي او يخليك………لاني للاسف مش عارف مين معايا………….بس بجد الف شكر علي الكلام الجميل ده وان شاء الله كل الناس تلاقي السعاده والهنا في شركاء حياتهم ويعوض علي اللي اختار غلط يا رب

  8. الموضوع حلو اوى رغم انة كئيب اوى وفكرنى بكل جراحى انما مفيش حد متجرحش بس الاهم من الجرح الاحساس اللى بتحسة وبيخليك فى السما ولو حتى لايام معدودة وبجد بجد رغم ان الحب عذاب انما احلى حاجة فى الدنيا ومفيش حد يقدر يعيش من غير قلب قصدى من غير حب والحب دة بجد احلى احساس فى الدنيا دى بتمنى لكل الناس بجد انهم يعيشو الحب رغم انى اتحرمت منة بعد ما هتجوز جواز تقليدى انما ادعولى انى احب اللى هتجوزة لو حتى بعد الجواز

    • انا عارف انه كان كئيب اوي بس انا حزرت من البدايه…………….بس صدقيني الجرح في وقته بيبقا صعب اوي انما بعد مبتعدي عليه الايام والليالي بتلاقي نفسك بتتفتكري ايامك الحلوه بس كزكريات جميله بينك وبين اللي كنتي بتحبيه ده لو كنتوا سبتوا بعض بطريقه شيك طبعا…………..ولو حبيتي تاخدي نصيحه من اخ ليكي…………ركزي اوي مع زوج المستقبل وشغلي عقلك في علاقتك بيه………..يعني شوفي شخصيته وطباعه واخلاقه وطريقه تعامله مع الناس ومع اهله وطريقه تفكيره …………كمان لازم تاخدي بالك من المستوي الثقافي والاجتماعي لازم تكوانوا قريبين من بعض في الموضوع ده…………..لو عقلك وحطي مليون خط تحت كلمه عقلك دي قالك انه مناسب ليكي وحتقدري تكلمي معاه حياتك…………ابدئي شغلي قلبك ساعتها صدقيني حتلاقي نفسك بداتي تحبيه وتتعلقي بيه …………وصدقيني اجمل حب واصدق حب اللي بيجي بعد الجواز…………..وبجد اتمنالك كل سعاده وهنا في حياتك وجوازك…………..بس مش حوصيكي اول طفل تسميه عمر بقا و اوعي تدخليه هندسه

  9. هاي أبو عمر ..بص ان اقريت لك مواضيع كتير بس ده اكتر موضوع حبيت اعلق عليه لانه فعلا زي ما بيقولوا مشكلة كل الشباب والبنات في الوقت اللي احنا فيه ..بس الحياة علمتني حاجة ما كنتش اعرفها ..بيع اللي يبيعك ولو كان غاااااااالي ..
    و اوعي تزعل على حاجة راحت منك مهما كنت شايف انها كاملة ..لان اكيد رب العالمين شايل لك الاحسن ..
    وصدقني هي اللي خسرت مش انت
    صحيح من أصعب الجروح هو جرح الحبيب ..بس الحلو فيه انه بيعلم اوي وبيقوي الواحد ..و زي ما اللي قبلنا قالوها الضربة اللي ما تموتكش تقويك .. وبيتهيق لي انها قوتك

    • طبعا شرف كبير اوي ليا انك تقريلي مواضيع كتير……………ومع اني كنت اتمني انك تنوريلي كل مواضيعي بكومنتاتك الجميله دي………….بس المهم عندي انك نورتيني هنا المرادي …………..الحقيقه انتي عندك حق فعلا يا شيري ان الموضوع ده قواني جامد جدا دلوقتي …………….وتقريبا مبقاش في حاجه بتأثر في البني ادم خلاص……………وفي الاول وفي الاخر دي قسمه ونصيب واللي ربنا كاتبهولنا حنشوفه حنشوفه………….واتمني بجد انك تفضلي منورانا كده دايما بكومنتاتك وكلامك الجميل ده

  10. والله الحكايه مؤثرة بس أنت بإيدك ترجعلها بس بعد ما تعلمها درس يخليهاتتمسك بيك . سلاااااااااااام

  11. أنا برده حكيتي مؤثره وليكوا الحكم في الأخر أنا حبيت واحده لدرجه الهوس لمده 10سنين بس عمري ماأتكلمت معها بس ده لسببين 1/ لإن أخوها صحبي 2/ ولإنها بتتكسف جدا. وبصراحه كان أغلبيه تصرفتهابتقول أنها بتحبني .وبصراحه أنا بعشق التراب إل بتمشي عليه وكان طول المده دي مقضينها نظرات بس . لما كنت بعادي علي أخوها وهي تفتحلي كنت بحس أني أمتلكت الدنيا والي فيها .ولما دخلت الكليه أتقدم لها أحد اقاربها وافق أهلها عليه لإن مستقبله كويس .ولما عرفت حسيت أني بموت فيومي1000مره بس أنا مفيش حاجه بإيدي لأني لسه بدرس بس عرفت أنها نفسها تسيب خطيبها وياريت تسيبه .أنا عارف أني من أيام السينما الصمته بس أعمل أيه لمني عارف أنساها ولا عارف أحب غيرها لإنها أجمل وآداب أنسانه شفتها في حياتي. أدعولي أنها تبقي من نصيب أخوكم .سلاااااااااااااام

    • تسلم يا بوبا علي زيارتك لينا وعلي اشادتك بالقصه…………..بتاكيد انا لو كنت عاوز ارجع كنت حعرف ازاي ارجع بس ده كطان اختياري انا اني مرجعش تاني مهما كنت بحبها قد ايه لانه مكنش ينفع بعد كده خلاص اني اثق فيها وده اهم حاجه في الحب والحياه عامتا مينفعش تعيش باقي حياتك مع انسان مش حتعرف تثق فيه حتبقي حياه جحيم…………..زوبالنسبالك انتا يا معلمي اكيد اجمل شعور في الدنيا انك تحب وتحس ان حبيبك بيحبك بس متزعلش مني انتا برده غلطان…………لانك كنت سلبي شويه في موضوعك ده مش حقولك تروح تتقدملها بس لو كنت فعلا بتحبها وناوي عليها هي وبس…………كان ممكن تكلم اهلك تشوف رايهم ايه؟………….كان ممكن تكلمها هي نفسها وتقولها ظروفك كلها ولو موافقه عليك حتستناك وده مكنش حيبقا خيانه لصاحبك لانك ناوي علي الخير………….بس علي العموم سيبك اللي فات مات …………..المهم انتا دلوقتي تتمنالها حياه سعيده مع خطيبها لو كملوا مع بعض لان الحب الحقيقي مبيبقاش فيه انانيه…………ولو ربنا اراد انها تبعد عن خطيبها نصيحه من اخوك اوعي تفرط فيها ……………مش علشان انتا بتحبها لا ………….علشان انتا بتقول انها اادب انسانه انتا شوفتها ودي بقت عمله نادره في حياتنا دلوقتي……………اتمنالك كل سعاده وهنا ان شاء الله………….واتمني تفضل منورنا كده علطول ومتحرمناش من كومنتاتك ابدا

  12. ربنا معاك يا مان
    وربنا يوفقك
    ويارب تكون من نصيبك
    أمان عليك لو بقت من نصيبك متنساش تعزمني عالفرح .

  13. ربنا معاك يا مان
    وربنا يوفقك
    ويارب تكون من نصيبك
    أمانه عليك لو بقت من نصيبك متنساش تعزمني عالفرح .


Comments RSS TrackBack Identifier URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

  • عدد اللي عدوا ع-السلم

    • 15٬836 بنى آدم
  • أحسن مشاركات

  • التصنيفات