مش زى الافلام

my_heart_film_by_mademoisellemeooow

“جصيده شعرية من تأليف خلف الدهشورى خلف تُلخص حياته

عرفت وفاج….حبيـــت وفاج….وفااااج ….وفااااااااج ….وراحت وفاج

وعرفت ست الحتة…. وحبيت ست الحتة…. ست الحتة….ست الحتااااااااا… وراحت ست الحتة…. وعرفت عبلة….يعينى على عبلة..عبلة….عبلة”

كل مابشوف المشهد ده مبقدرش امسك نفسى زى اى حد…والدمعة بتفر من عينى لما عبلة بتسيب خلف وتروح لسراج بس زى كل الافلام..خلف بيلاقى منى زكى بتحبه وبيحبها ويتجوزها فى الاخر..محظوظة اوى منى زكى دى..اتجوزت هنيدى ومصطفى شعبان وكريم عبدالعزيز واتجوزت احمد السقا مرتين وقعدت تعيط لما حلقلها فى مافيا.

المهم ان النهايات السعيدة دى بتبقى فى السينما والحواديت انما الحقيقة مش زى الافلام اللى احنا بنحب نخشها…اللى قعدوا على السلم الاسبوع ده قاللولى احكى عن الفيلم بتاعى..مش عارف ابدأ منين وانتهى فين..انا فيلمى ميفرقش كتير عن فيلم اى حد…انا زيهم حبيت احلى بنت فى الدنيا عشت احلى ايام فى حياتى..حاجة مكنتش احلم بيها..معرفش…بس حبيتها اوى وهى حبيتنى اوى…كان جميل اوى..اول مرة تحب بتلمسك اوى, اول مرة تقول لأنسانة بحبك…واول مرة تسمع كلمة بحبك…انا فاكر انى قعدت اشوف الكلمة دى فمسجات كام شهر على ماقدرت اخليها تقولهالى..كان جميل اوى. ومشيت الحكاية زى اى حكاية وخلصت برده زى اى حكاية..لما حد بيسألنى خلصت ليه؟..مش بعرف اجاوب ..مش عارف ليه بس هى خلصت..بس هو الحب كده..ساعات بيتهيألى انها لو مكنتش خلصت يبقى مكنش حب بجد..لأن كل حب بجد شوفته فى حياتى خلص ومقدرش يكمل.

بس بعد الوقت الطويل اللى عدا واللى معرفتش انه طويل الا لما اعدت احسبه قريب..اكتشفت ان اى حب اولانى لازم يبقى كده…لازم يبقى حب اوى…لازم يعلم فينا اوى…ولازم ينتهى…اكيد لازم ينتهى لأنى اكتشفت وللأسف متأخر ان فى فرق كبير جدا بين انك تحب وانك تمارس الحب…يعنى انك تعبر عن الحب اللى جواك فى كلمة او فعل..انك تشتكي للى بتحبه..او انك حتى تفهم الفرق بين انك لما بتحب حد يعنى بتقبله مش بتعمل خطة عشان انت تغيره وهو يغيرك….الخ..الخ..الخ….حاجات كتير اوى بنعرفها للأسف بعد مابيبقى الوقت عدا..واخرها واهمها اننا بعد الفيلم بنقنع نفسنا اننا ضحية..واننا الانسان ده معندوش قلب..كتير كنت بتمنى ان الفيلم بتاعى ينتهى نهاية مأسوية…اللى بيبقى فيها كلمتين ملهمش لازمة من عندى على كلمتين زيهم من عندها ونكره بعض ونبقى مش طايقين نبص فى وش بعض تانى بس بفرح لأنه لما خلص بنهاية هادية الى حد كبير خلانى افهم يعنى ايه تحب حد..يعنى ايه حبك الاولانى يبقى ذكرى حلوة كل اللى بيوجعك فيها فراق حد غالى مش كلمة او تصرف وجعك وان من الجنون انك نكره الحد اللى اتعلمت الحب فيه ومعاه…خلانى افهم اد ايه ان تصرفتنا كانت طفولية وبريئة…انها رغم انها اكيد كانت بتغلط بس كانت فى ميزانى ملاك..خلانى مبسوط لأنى مش شايل هم انى انسى لأن الذكرى مش بتوجع..وللأن الناس اللى عايشة عشان تنسى بتعانى اوى..اعرف ناس قرروا ينسوا حبهم من سنين ومشكلتهم فى الحياه هى قرارهم ده..اللى بسببه بيصحوا كل يوم الصبح يقول انا كنت عايز انسى ايه؟..ايه ياربى؟ اه اللى كنت بحبها ويقضى يومه بيحاول ينساها…لكن انا سعيد بالفيلم بتاعى وحكايتى…وقادر اعيش بيها ومن غيرها..وقادر اكمل واعيش وانا مبسوط عشان هى مش قصة حب فاشلة…هى بس منجحتش

النهاية

توقيع:

ابوصلاح

Advertisements

22 تعليق

  1. ايه ياض الحلاوه دي……………كلام كبير كبير كبير يعني……………احبك وانتا رومانسي يا ابو صلاح

    • yabo 3omar tool 3omri bs mdari 😉

  2. it’s true that “The magic of first love is our ignorance that it can never end”
    but I’m just glad that u found a way to get over it in such an intellectual way with no wounds left…really a few ppl who can do the same..

    • getting over love with love
      و من السموم الناقعات دواء ياخشبوز
      waiting for ur post 😉

  3. great words. very true what you’ve said
    it seems that always that first love never ends. it is suspended in our memories. true it did not work out and it didnot fail but it taught us a lot and enough. it will always be somehow the strongest and always our reference when we need it

    • yes sara
      but life must go on
      it’s beautiful only if we belived that memories don’t kill 😀
      thanks for passing by,…..keep visiting us

  4. طبعا بوست جامد كالعاده و مبسوطه أنك قادر تعمل كده و أنك مش مكتئب بقى و الكلام ده
    بس عارف أنا فعلا كان نفسى تكملوا مع بعض أوى مع أن هى أكتر حد كنت بغير منه بس يمكن عشان عمرى ماشفتك مهتم بحد كده بس كنت بحبها والله عشان كنت حساك مبسوط بجد و هى كمان كنت بحسها فرحانه اوى بس أن شاء الله ربنا يكرمك و تلاقى حد تانى يحبك بجد و أنا عن نفسى حأحاول ماغرش منها…..

    • ya emooz enti 7aga tania 3’ir kl el nas ya a7la sister f el donia
      rbna y5aliki lya 🙂

  5. begad helwa awyyy ya abo saleh to7fa mashallah wallahi kol kalamk sahhhh

    • شكرا سارة…..وشكلك حاسة الموضوع اوى 😀
      keep in touch

  6. 7elw ya abo sala7 bas elmafrod law fe3lan keset el7ob deh nag7a enha tnthy nhaia nag7a.l2n elnaga7 hoa eldalil 3ala en el7aga deh kant 7elwa wala ay kalam….we 3agaby

  7. انا مقلتش انها نجحت بس برده مش فاشلة
    حاجة شبه الضعيف رفع كده 😀
    شكرا على التعليق يابو عاشور وابقى زورنا تانى

  8. سلااااااااااااااااااااااااااااااااااااااااااااااااااااااااااااااااااااااااااااااااااااام:
    إيه الحب الراقي ده ، ده ولا في الأفلام الأمريكاني ، لقى و فراق بهدوء بدون مناحه و لا عيطة لأخر الشارع ..المهم يا بو صلاح أنها تجربة ومرت ومع أني ضد التجارب من النوع ده لما تكثر طبعا إلا أن القصة بتاعك حبابة رغم حبة الفلسفة اللي فيها ، بس نيالك يا عم عشتلك يومين رغم إننا كعرب بنموت في حاقة إسمها ” و النتيجة إييييييييييييييييييييييييييه ؟؟؟” مستنيين الباقيين سلااام يا ناس السلم …

    رايي/ الجزائر

    • شكرا يارايى…..على فكرة البوست ده كان اتأخر واستعجلت نفسى لما سألتى علينا
      والتجربة دى مهما اتكررت مش بتبقى زى اول مرة
      تحياتى لكل الجزائر وشكرا على التشجيع

  9. enta wad gamd awi yabo sala7 m3 enk ahlawy bs gamd bardo

    • شكرا يا مومو…..بس انا اجمد حاجة فيا انى اهلاوى
      مستنيك تزورنا تانى

  10. it touched me gedan 3alfekra even i never felt what is that
    but u said it is ended cz first love must end but let me assure for u
    that everything end true love fake love everything i finaly
    realized that word forever isnt true or lets say forever come and gone

  11. c’est la vie ya shimo
    hn3ml eh?….elmohm enena n2dar nkaml

  12. yeah every thing dies

  13. 7elwa awi ya ahmed bas yemken ana mansetsh eli kont ba7ebo 3`er lama 7asal 7aga 5aletna fe3lan mayenf3sh nekamel , we tb3an enta m3aya 3al 5at mn zaman awiiiiiiiiii 😀 bas 7amdolelah i taked the big decision in my life
    NO MORE LOVE = NO MORE HURTS

  14. ana nfsi ba2olk knt atmna f wa2t y7sal 7aga kda
    bt5ali mawdo3 el nsyan as-hal
    bs bt5aliki msh 3ayza tftkri 7aga mn el 7ekaya
    enma kda bt2dari tftkri el 7ekaya w ytba2alk el 7lw eli fiha
    bs bta5od wa2t kbir
    bs i’m happy b el 7ekaya
    w b el memory

  15. أبو صلاح إنت قريت كلامي… خلينا نعرف أخبارك لما تحب بجد الحب المكتمل الناضج ونشوف يا ترى الحب القديم حيفضل مقصر وللا الجديد.. حتى وإن كان الجديد هو بداية جديدة مع نفس الإنسانة انا متأكد إنك حتحس الفرق “في الحب والحياة” لو مكنتش قريته إقراه ولو مكنتش سمعت عمرو خالد وهو بيتكلم عن الحب اسمعه، لو مكنتش قريت عن علاقة أبونا آدم بأمنا حوا وسيدنا إبراهيم والسيدة سارة وسيدنا محمد وأمنا خديجة وأمنا عائشة.. هو ده الحب يا جماعة اللي عاش ودام دنيا وآخرة إن شاء الله..
    مش روميو وجوليت اللي انتحروا وللا قيس وليلى وللا عنتر وعبلة وللا حسن ونعيمة حتى… مين فيهم اللي ناجح؟؟؟


Comments RSS TrackBack Identifier URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

  • عدد اللي عدوا ع-السلم

    • 15٬514 بنى آدم
  • أحسن مشاركات

  • التصنيفات