زفة الحرية

doda

(وعشان الحرية وعشان احنا سلم ديموقراطى…ديموقراطى بجد عندنا ضيف جديد عدى على السلم وحب يقول رأيه)

من أهم مبادىء حقوق الإنسان هي حرية التعبير عن الرأي

حرية الرأي و التعبير يمكن تعريفها بالحريه

في التعبير عن الأفكار و الآراء عن طريق الكلام او الكتابه او عمل فني بدون رقابه او قيود حكوميه

ومن هنا جاءت لي فكره عمل فني صغير يوضح لنا حريه التعبير عن الراي:

المشهد الاول:

شاب راكب عربيه و في زفه اعز صحابه وبيعمل الواجب

يعني ماشي يمين وشمال و بيفرك كتييييير ومشغل الوايتينج و تيت تيت تيتيتيييييييييييييييييييييت

عربه العريس خلفه واصدقائه كلهم حوليه والزفه ماشيه و كله ميه ميه

بييجي الظابط بيقف بعرض الشارع ويوقف الموكب كله وييجي قدام الشاب ده :

الظابط : رخصك ؟؟؟؟؟ متنرفذ اوي

الشاب : بكل هدوء اشمعنه

الظابط : ضحكه صفراء طب انت مش شايف انت عامل ايه في الشارع كله

الشاب : معلش اصل فرح ” ونظره سريعه لصوابعه لا يوجد دبله ” عقبالك يا باشا

الظابط : هات رخصك

الشاب : يا باشا ماهو لو فرح ظابط او حتي صول هتقولو مبروك وتسيبه يمشي

الضابط : لازم احترام المرور احنا بنحميكم

الشاب : اتصال باي ظابط معرفه . طب ممكن تكلم يا باشا

الظابط : ممنوع

المهم خلص الفرح و تمام واطمان الشاب علي اعز صحابه

واخذ يفكر في موضوع الرخصه

وبعد الاتصالات الكتيره والوصول للشخص المطلوب اللي هيجيب الرخصه

للمعلومه سبب سحب الرخصه ” بدون رخصه تسيير- الاشتراك في زفه”

وتم العثور علي الرخصه والغاء اي غرامات وكله كوسه طبعا

قرر الشاب الذهاب للظابط الاكبر والدردشه معه……

المشهد الثاني :

ظابط تاني : انت تعرف ان الرخصه كانت موقوفه شهر لولا ان فلان الفلاني دا حبيبي مكونتش طلعتها

الشاب : لازم يحسسه انه مش بيكوسها – ياباشا ربنا يخليك لينا يارب بس انا عندي سؤال صغير

الظابط التاني : اتفضل اسال

الشاب : يعني ايه اشتراك في زفه- يعني اي فرح بعد كده اروح علي القاعه علي طول ؟؟؟؟؟ نظره غباء قصوي

الظابط : هه- لا بس متشغلش الطريق عشان صاحبك – افرض في مريض في اسعاف افرض دكتور متاخر عن مريض

الشاب : بكل اقتناع – صح انت كلامك صح-بس انا كان كل قصدي اني اعبر عن فرحتي لصاحبي

الظابط : احنا في ديمقراطيه ومش عيب انك تعبر عن رايك او شعورك بس ميكونش علي حساب حد

خرج الشاب من غرفه الظابط ومقتنع بوجهه نظر جديده للتعبير عن الراي ……

وعشان كده احنا فاهمين حريه التعبير عن الراي او الشعور غلط ويمكن لو فكرنا شويه قبل اي قرار هيبقي قرار صح و كل الناس هتحس انك حر في تعبير رايك

من سمات المجتمعات المتقدمة حرية التعبير عن الرأي، كلما كانت حرية التعبير عن الرأي أفضل وأوسع شق المجتمع طريقه إلى الأمام. لأن الآراء تتبلور وتتكامل، أصحاب الرأي يطرحون آراءهم ويجتهدون في طرح أفكارهم، تتبلور الآراء والأفكار فيتقدم المجتمع، ومن هنا نجد أن المجتمعات المتقدمة ترى في جامعاتهم وفي وسائل إعلامهم وفي وسائلهم المختلفة اهتمام بتشجيع حرية التعبير عن الرأي بل يبتكرون مختلف الأساليب ومختلف الوسائل لتشجيع الناس على أن يعبروا عن آرائهم، على المستوى السياسي بالانتخابات، بالاستفتاءات العامة، صناديق الاقتراع. على المستوى العلمي حرية العلم والمعرفة، على المستوى الإعلامي، على المستوى الثقافي، على مختلف المستويات

توقيع:

Dodda

Advertisements

8 تعليقات

  1. الكلام ده… اييييه…. الكلام ده كبير
    الكلام ده… اييييه…. إوعى يكون الأخير

    منور السلم… من ضيف عالسلم لضيف تاني يعني….

    أنا حر لأني أفعل ما أريد وما لا يضر غيري…

  2. كلام جميل بس فى بعض الاراء بتتؤد قبل ماتتبلور ولا تتكامل ولا اى حاجة
    بس مواضيع السلم المرادى جادة اوى…انت وضيفك يابوصلاح
    رغم ان فيه بعض اختلافات فى وجهات التنظر معاكوا بس مواضيع جميلة

  3. thx all de awel mara akteb hna

    w tab3an kol wa7ed 7or fe ra2yoooh

    w ie7na aslan 24 sa3a bnhys bs elmarady elmwdo3 msh mstahel hyas
    la2eno gad awy awy
    wlazm netklm feeeh we7na msh bnhys

  4. سلام ياللي قاعدين ع السلم و سلام للقعد معاكم اليومDodda طبعا مقال جميل و فلسفة هادية بس يا خسارة ..مجتمعاتنا مابتفهمش الفلسفة دي أصلا مافيش حد بيخلي حد يكمل كلاموا لأن كل واحد باصم بالعشرة في قرارة نفسوا إنو “نبي” (أستغفر الله) و عشان كده يعتقد إنو في حرب مع أي واحد يناقشو و إنو لازم يفوز في المناقشة و لو تحول الأمر للعنف و يقعد يبصبص للحاضرين شوفوني أنا ربحت النقاش ….غبـــــــــــــــــــــــــــــــــــــــــــــــــــــــاء متأصل …
    المهم إنو التحضر في الحوار ممكن يكفل حرية إبداء الرأي لكل حد و دي نقطة مشجعة لو إلتزمنا بيها في حياتنا …شكرا على المقالDodda و نورت السلم بالنيابة عن الجميع …سلام.

    رايي/ الجزائر

  5. شكرا يا رابي

    مرسي لكلامك

    بس انا عايز اقولوكوا علي حاجه

    انا المقال ده كتبته يوم عيد ميلادي
    11/5

    وشكرا لكل الاراء

  6. eh el kalam el gamed da ya gamed ya doddaaaa plz taklmlna 7ad men el mas2olen ya3malo shar3 ma’7sos lezaft el 3ares wel 3arosa keda mesh 7aynfa3 3ayzen na3esh bera7tna,,,,,,(:

  7. gammmmmmmmmmmmmed ya doda we 3eeesh we sebny 23eesshh 3enaaaaaaaaaaab
    we sama3ny wa7da 3a7maaaaaaaaaaaaaaaaaaaaaaaaaaaad

  8. ya salam ya salam yabop salaaaaaaaaaaaa7 howa dah fe3lan el kalam el sa7 bas 3aref 3ala ad ma bakrah el koussa ba7ebaha awi 3shan dih fe3lan sela7 zo 7adin


Comments RSS TrackBack Identifier URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

  • عدد اللي عدوا ع-السلم

    • 15٬836 بنى آدم
  • أحسن مشاركات

  • التصنيفات