حرية حربية …

يوم طويل عدى …. مليان بالكسل و متميز بالا أرادة ….انتهى بيا FreedomPerchedonMyFinger-Ciaeeالمطاف و انا قاعد بكوب النسكافية و السيجارة وبكتب عن الحرية ….
طب اية هية الحرية من الاساس …. ولية كل الناس اللى بتكتب عن الحرية بتكلم عن الحرية فى الوطن العربى , عن حرية التعبيربتاعت السياسة . و الصحافة و الاعتراض على نظام من حيث المبدأ
لية الناس مش بتكلم عن حريتها هى الشخصية …. هو احنا كنا احرارفى حياتنا .و دى الحاجة الوحيدة اللى احنا مش احرار فيها. خلاص عملنا كل حاجة عازين نعملها ومش فاضلنا غير ان احنا نتكلم عن الحرية السياسية و حرية التعبير؟ يعنى مثلا ..لية محدش بيتكلم عن حرية الولد و البنت فى المجتمع الشرقى . من ناحية سلوكة؟ لية محدش بيتكلم عن حرية الدين فى الوطن العربى ؟ لية محدش بيتكلم عن حرية السلوك بصفة عامة ز اساسها ..حدودها .. نظامها ..مصدرها, ووجة الاختلاف و الاعتراض عليها ؟
بامانة مطلقة , بالنسبة لمصر باعتبار انى مواطن مصرى شايف ان مصر فيها حرية . يمكن تكون حرية محددة . بس اسمها حرية . و باعذر الحكومة فى النظام اللى عملتوا للحرية . لسبب واحد هو ان الحكومة بتحمى نفسها من الفوضى الى هى صفة اساسية من صفات الحرية اولا . و اللى ممكن تأذى حكام البلد ثانيا. و نظرا لان السياسة حرب . فان الحرب كل شىء فيها متاح .. و اللى زينا دول من اهل السلم ما هم الا ضحايا الحرب دى ما لم يكونوا طرفا فيها .و لو كنت طرفا فيها فهذا جزء من خسائر المعركة . والشاطر هو اللى هيكسب فى النهاية . و جزء من ذكائك الحربى انك تكسب و انت ناقص لاعب ( ولا عزاء لانصار تشيلسى). و غير كدة و كدة . بصراحة دايما الحركات دى بتتحول من حركة سلمية بحتة الى معركة صفتها الاساسية البلطجة و هدفها الاساسى التخريب و اثارة الفوضى . و منهم لله لانهم اصبحوا فعلا متخصصين فى افشال اى حركة تتسم بالحضارة .
الناس هنا بتتكلم زى ما هى عايزة. و دة فى حد ذاتة شىء مش بطال. و طول ما الكلام لا يحتوى على اى شكل من اشكال التحريض بيعدى.اكيد اللى خلاك تلعب ناقص لاعب مش هيعوضك و يسيبك تلم عشرة غيرة و الا يبقى غبى . ولا اية ؟و يسلام بقى لما يبقى الكلام فى شكل من اشكال الاهانة الشخصية , شتيمة مثلا او ما شابة ذلك فى اصحابنا دول فنادرا ما يتعاموا بمبدا الشتيمة بتلف و ترجع لصاحبها.
بغض النظر عن كل دة … لان انا اساسا مش عايز اكتب فى السياسة. فانا شايف ان المجتمع المصرى خاصة و العربى بصفة عامة نافصة حريات كتير جدا بغض النظر عن الاسباب اللى اخدت الحريات دى من الاساس لان اساسات الموضوع دة كتيرجدا. و الحريات اللى بتكلم عليها لا تقل اهمية عن الحرية التعبير من المنظور السياسى. زى حرية العقيدة .. ودى حاجة مجتمعية اكتر منها نظامية . يعنى مثلا فى ناس كتير داخل المجتمع المصرى بتشوف اصحاب الديانات الغايرة لدينهم بنظرة مش ظريفة . مع ان الاديان السماوية مش معترضة مع بعضها .يعنى الاسلام مثلا قبل وجود ديانات اخرى و وفر الاديان دى كل اللى ممكن تحتاجة عشان تكون موجودة و متعايشة بالشكل السليم. فى عز كل دة تلاقى واحد صاحبك مش عايز ياكل من عند مطعم بتاع واحد ديانتة كذا ولا يشترى من عندة اى حاجة مع انة بيعمل حاجة احسن بكتير من واحد تانى من نفس ديانتة . بصراحة , انا شايف دة تعصب اعمى و عادة سيئة متفشية داخل المجتمع لازم نتكلم و نحاول نكشفها و نلاقيلها حل .
قضية تانية بتضايق منها جدا .. وهى حرية الولد و البنت. و بذات بالنسبة للبنت . فى حاجات كتير فى الموضوع دة لازم نتكلم فيها .. و مفاهيم كتير لازم تتغير عشان فى بنات كتير بقت بتشوف حريتها زى حرية الولد زى الجماعة الفرى. بس مش شايفيين ان ربنا سبحانة و تعالى ميز الولد عن البنت و بالتالى لازم يبقى فى فرق . و دة بردة مش معناة ان الموضوع يقلب بعنصرية ضذ البنات لان فى حاجات البنات فعلا مظلومة فيها . زى الخروج مثلا هكذا.
مش عارف اكتب اية تانى . النسكافية خلص و مكسل اقوم اعمل غيرة , شكلى هقوم اشوف قبيلة السلم فين و اروح اغلس عليهم كما هى العادة … سلام عليكم.

Advertisements

4 تعليقات

  1. سلام ياناس السلم ….
    يعني إنت مستمتع بالحرية ياmavroxx و واخد رحتك على الآخر ، حتى أني قلت إنك أكيد أكيد مش في بلد عربي ؟؟..أنا طبعا مش بقول إنو مافيش حرية خالص –أصلنا مثلا بنشتم رئيسنا عمال على بطال — ولكن الحرية دي تبقى مقيدة كتير على كل النواحي بس اللي بيجنن أنو بيعطوك الحرية السلبية …زيينا في الجزائر مثلا يعني قول الليتحبوا و اشتم أي حد بس مش حتتغير حاجة ،،،، يعني تروح تبلط البحر أو أعلى مافخيلك اركبو …..و الكلام يبقى كلام ،،،،،و ده هو الفرق بينا و بين اللي في الضفة الأخرى من المتوسط هما لو اتكلموا و مارسو حريتهم في الإحتجاج ممكن تسقط الحكومة أما احنا لو اتكلمنا و لا حتى نبحنا أو عوينا مش حيتغير حاجة …
    أما بالنسبة للحريات الأخرى فهي سلسلة متكاملة بس المهم ماتكنش مناسبة لخرق القانون أصلنا بنشوف بيحصل إيه لما بيشعر البعض بالحرية مثلا على النت بيروحوا جري على المواقع الإباحية ..أصلهم اتعلمو إنو الحرية تعني استباحة الممنوع ..و ده طبعا شي غلط مثل حرية الدين اللي بيستغلها البعض للتعدي على الديانات الأخرى زي الرسوم في الدنمارك دي مثلا مش حرية صحافة ..أما الحرية الإجتماعية للبنات مثلا فلازم معها الأخلاق و كلنا يعرف إيه اللي بيصير لما تروح بعض البنات للجامعة و إساءة استخدام الحرية …و طبعا دي مش دعوة عشان كبت الحريات ..فالحرية مطلوبة و لو صاحبتها أخطاء في التطبيق لأن كل شيئ يأتي بالتعلم واحنا من حقنا نتعلم الحرية أصبنا أو أخطئنا…
    طولت كتير و أنا أسفة ،،،المهم ما تنساش تبلغ السلام لكل قبيلة السلم ..سلااااام

    رايي/الجزائر

  2. رايى العزيزة …
    اولا .. انا لا فى بلد غير عربى و لا حاجة .. كل الاختلاف بينى و بينكم فى الراى يتلخص فى جملة واحدة .. ان تقاتل بما فى يدك افضل من ان تقاتل بيد خاوية ..و هنا تقرى قصة المقاتل الايرلندى الشهير مايكل كولنز هتفهمى قصدى بالضبط.
    ما بين النظام و المعارضة فى كل دول العالم . الديموقراطية منها قبل الدكتاتورية هو حرب . و كل شىء مباح فى الحرب و الحب . لذا .. و هذا ما اراة و تلك مجرد وجة نظر . ان النظام ايا كان مكانة و كيفما كانت صورتة يحاول ان يحمى نفسة .. سواء باساليب مشروعة او غير مشروعة . و لهذا فانا اطلق عليها ” حرية حربية “

  3. سلام ..
    طبعا أنظمتنا بتحاول تحمي نفسها بأساليب مش مشروعة و و بحرية مقننة و عشان كده مافيش حرية حقيقية و خلينا نحارب بنص حرية على قولك و أن تصل متأخرا خير من ألا تصل ….بس و الله أنا بعيط بعلو صوتي يا كلو يا مافيش أصلي ماقدرش ارضى بحرية معوقة….
    دمت طيب و مدون ……………………..رايي/ الجزائر

  4. ممكن نختصر حرية حكوماتنا العربية فى جملة واحدة
    ان كل واحد من حقه يقول اللى هو عايزه….والحكومة من حقها تعمل اللى هى عايزاه

    انا مختلف معاك يا مافى شوية ومش شايفها حربية
    بس انا شايفنا برده كلنا سلبيين
    ومش معنى كلامى اننا نعمل ثورة
    بس لازم نتخلى عن افكارنا الرديكالية دى شوية
    يعنى مش لما عربية تعمل حادثة نبدأ نقول هنشيل وزير الموصلات
    ولازم نشتغل تحت السقف…يعنى نصلح فى حدود المساحة الماتحة
    يعنى نشوف لو السواق كان بيجرى يبقى نبدأ بالتوعية عن السرعة
    ونبدأ بنفسنا دايما…..هو مثال صغير
    بس لو قيستوا عليه هتفهمونى


Comments RSS TrackBack Identifier URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

  • عدد اللي عدوا ع-السلم

    • 15٬514 بنى آدم
  • أحسن مشاركات

  • التصنيفات