يا منجي من المهالك

Untitled-1

في يوم كنت ماشي كده لواحدي في شارع كبيييييييييييييييييييير وعريييييييييييييييييييييييض …………..فجأه سمعت صوت رجل حريمي ورايا ماشيه بتتمختر………….طبعا بحركه لا اراديه بصيت ورايا ويا ريتني ما بصيت …………..طلعت مغنيه مشهوره مفيش واحد في الوطن العربي كله مبيتمناش يكون في مكاني ساعتها ( بس ربنا يسهله اللي شال في الاخر وسافر علي روما يقضي شهر العسل ) …………المهم اني فجاه لقيتها بتشاورلي…………طبعا مصدقتش نفسي بس لقيتها بتقولي ( ايوه انتا تعالي عاوزاك )…………. طبعا رجعتلها جري………….لقيتها بتبصلي بعنيها اللي ممكن تسيح جليد القطب الشمالي كله…………طبعا عمكم راح في داهيه من اول بصه من عنيها ولسه حبص انا كمان بقا …………….فجأه اشتغلت السيمفونيه الموسيقيه بتاعه كل يوم ( راجع موضوع يا انتمائي ياني )…………..وقومت من السرير وانا نفسي في قنبله انسف بيها المدرسه دي بللي فيها……………طيب حتي كانوا يستنوا دقيقه بس اعرف كانت عاوزاني في ايه؟.

( الله يخرب بيت البنطلون الاحمر اللي طيرلنا عقلنا خلاص)

المهم ان الحلم خلص في الاخر من غير مستفيد منه في اي حاجه………….فجاه لقيت الشباب بيكلموني وبيقولولي انهم قاعدين علي المقر الرسمي ( الفراعنه )………….قلت انزل اخدها  تمشيه كده علي البحر بالمره اشملي شويه هوا…………ويلهوي علي كميه العربيات اللي بتيجي جمب رصيف البحر وتهدي مستنيه اي ( سقطه او لقطه) وكلام بقا وحركات وتثبيت………..هيصه يا معلم………..واكتشفت اننا مبقناش بنفرق بين الناس المحترمه والناس اللي مولعاها………….ساعتها افتكرت احداث العيد اللي حصلت في القاهره في وسط البلد علي ما ازكر …………التجمع الكبير للشباب اللي تجمعوا مع مجموعه من البنات واتحرشوا بيهم او بمعني اصح اغتصبوهم………….وبرده ساعتها افتكرت حوادث الاغتصاب والتحرش اللي بقينا بنسمع عنها كل يوم تقريبا في الجرايد والتليفزيونات ………..واللي طيّنها اكتر حوادث اغتصاب والتحرش بالاطفال واغتصاب المحارم …………….حاجات فعلا مكناش بنسمع عنها ولا كان حد يجرأ انه يفكر فيها قبل كده………..وصلت للشباب علي المقر وانا دماغي بتضرب تقلب عاوز اعرف ايه اللي حصلنا يا جدعان.

اكتشفت حاجات كتير اوي……….منها ان اللي بيقول ان اسباب التحرش هو نزول البنات بالمحزق والملزق وبتاع كلامه سليم طبعا …………بس ده مجرد سبب واحد من الاسباب الكتير للحوار ده …………منها الزياده الفظيعه للمخدرات في السوق المصريه لدرجه انه تقريبا بقا الحاجه الوحيده اللي كميتها بتزيد وسعرها بيقل في السوق المصريه ( ناس ضميرها صاحي ولله ) وده بعيد عنكم بيلغي عقل الشاب المراهق وبيخلي رغبااته هي اللي متحكمه فيه ………..وطبعا مش حننسي الافلام اللي بتستخبي في ملف جوه لعبه كبيره علي الكمبيوتر او لو كان قلبه ميت بيعملها (هيدن) وخلاص والكليبات والقنوات الحلوه بتاعه بليل كل ده بيزود رغبه الشاب وبيزود تفكيره في شهواته وبيلغي عقله واكبر دليل علي كده ان اللي حصل في القاهره ده اول مره كان بسبب ان الراقصه العظيمه دينا رقصت للشباب في الشارع قدام السينما ………….. اصلهم ناقصين انهم يشوفوا دينا بترقصلهم ………..والمصيبه بقا ان مبقاش في جواز ولا شغل ولا اي حاجه الشاب يطلع فيها طاقته ( مصيبه ولله ) ………..تيجي بقا تلاقي الاهل برده عليهم عامل كبير لانهم بيخلوا بناتهم بينزلوا بلبس غريييييييييييب ( راجع موضوع ربنا علي المفتري) وبيسهروا براحتهم ……….والولاد لما بينزلوا اهليهم مبيبقوش عارفين عنهم حاجه ولا عارفين حاجه عن صحابهم  مكبرين دماغهم علي الاخر…………..وطبعا من اكبر الاسباب اللي خليتها للاخر عن قصد هو غياب الدين عن الشباب لان هي دي المصيبه السوده اللي مخليانا كل منطلع من نُقره نقع في ضُحضيره.

المشكله اني لو فكرت انصح البنت دلوقتي انها تعمل ايه علشان متتعرضش للتحرش مش حلاقي نصيحه انصحها بيها……….يعني لو قلتلها البسي لبس محترم للاسف الشباب دلوقتي مبقاش بيفرق معاه المهم عندو انها بنت وخلاص………….لو قلتلها متنزليش في الزحمه علشان متحتكيش بالشباب وخليكي في الشوارع الهاديه مهو برده غلط ان البنت تمشي في شارع هادي طيب يمشوا فين  الله اعلم………… لو قلنا تجيب للبنت عربيه علشان تبقي جواها ومحدش يقربلها ……….تعالي امشي علي البحر وشوف العربيات اللي سايقاها بنات بيحصل فيها ايه.

انا شايف ان الحل مش حيجي الا من الجذور من الاهالي اللي المفروض تاخد بالها من بناتها وولادها………..مش حيجي الا لو رجعت الشهامه والنخوه للشعب المصري من جديد اللي ايام زمان لما كانوا بيشوفوا حد بيعاكس واحده حتي لو كانوا ميعرفوهاش كان الواد ده بيطلع عين اهله………..مش حيجي الا لو البوليس زاد في البلد والدوريات بقت زياده لحمايه كل المواطنين مش لازم نستني لما تقع المصيبه علشان البوليس ينزل……….الدوريات دي ممكن تحمي الشعب لمصري من مصايب كتير من قبل متحصل…………مش حيرجع الا لو الشباب عرف دينه كويس وعرف ربه وعرف انه لو عمل حاجه دلوقتي ربنا لازم حيردها في حد من اهله سواء امه او اخته او مراته او حتي بناته لما يكبروا…………وفي الاول وفي الاخر انا عازر الشباب لانه لااااااااااازم نشغل الشباب ده ونلاقيله اي حاجه مفيده يطلع فيها طاقته.

وكما قال الزعيم الكبير ( اللمبي) في اهم اعماله ( اللي بالي بالك ) يوصف فيها حاله شعبه :-

( لازم تشوفولهم حل……….ابنولهم بيووووت………….اعملولهم ساندوشتات حلاوه بالقشطه…………وانا من هذا المزنق احب اخاطب السيد المسؤول رئيس لجنه حموم الانسان ان لازم يكون قدامكم حل من اتنين………….يا تبنولهم البيوت يا توفرولهم الكولّه ) ……………. هههههههههههههههههههههه رغم انه كلام هيس المفروض بس ولله فعلا كلام بيوصف حال الشعب المصري حاليا . ربنا يسترها علينا وينجينا من الايام السوده دي

( ويجعله عامر )

توقيع:-

ابو عمر

Advertisements

9 تعليقات

  1. الكلام سهل بس اللى يعمل بيه وبعدين بلاش موضوع أن اللى بيعاكس يطلع عين أهله ده متهونش عليا هو مين اللى كان بيربط الشوز بتاعو أمبارح عند المكتبه؟
    ياريتنا بنعمل اللى بنقول عليه ده….

    • ايه يا ايمو…………..بلاش فضايح امال………………وبعدين انا اخري كنت بتفرج يعني…………….ده ميعتبرش تحرش ………….ده انا اخري ابصبص بس ……………..وبعدين صدقيني مش كلام ربنا قادر علي المعجزات

  2. الموضوع دا بقى معقد جدا جدا
    كفاية اللي الواحد بيشوفه في الجامعة يوميا أو شبه يوميا
    و كفاية ان المنقبات بقوا بيلعبوا مع الصبيان شوية العاب بريئة زي صلح و الحاجات دي …
    (ماتستغربش … انا شفت دا كله بعيني)

    فدلوقتي ماتعرفش اللي انت بتنصحه ده أصلا كويس ولا لأ!!

    الحل ممكن زي مانت قلت هيبقى من الأهالي و النصايح اللي بيقدموها لولادهم و بناتهم

    بس ممكن الحتة الجاية دي تأثر زيادة … و هيا نصيحة الصحاب
    معظم الناس مابتقتنعش بنصيحة أهلها بسرعة كده … بس نصيحة الصحاب غالبا بتتسمع
    بس برضه ده بيعتمد على نوع الصحاب …

    ربنا يسترها علينا بقى!!

    عجبتني طريقة كتابتك 🙂

    سلام

    • الف ششكر يا معلمي …………….وانا مش مستغرب وحياتك ده احنا بنشوف انيل من كده بمراحل ……………ده لو جات علي اللعب بس تبقي سهله……………..وانا معاك فعلا ان نصيحه الصحاب يمكن بتتقبل اسرع بكتير من نصيحه الاهل بس المشكله انك لو اخدت النصيحه من اهلك فانتا متاكد انهم اكيد خايفين علي مصلحتك انما لو اخدت النصيحه من صحابك الله اعلم بقا هما نيتهم ايه من النصيحه دي…………..فلازم حتفكر فيها الاول علي الاقل…………وبعدين انا قصدي ان الاهل لازم يربوا من اول وجديد لان في جيل طالع انا حاسس انه ماخدتش حقه من التربيه …………..فيا ريت الاهل تهتم شويه ببيوتها وبتربيه اولادهم وبناتهم ولازم يفضلوا عينهم عليهم مش عيب اني اراقب ولادي علشان اطمن عليهم………….انما العيب اني اديهم ثقه هما ميكونوش قدها فيستخدموها غلط وتبقي مصيبتنا سوده في الاخر……………..والف شكر ليك يا معلمي واتمني تنورنا كده علطول

  3. طبعا ربنا قادر على المعجزات يا أبو عمر ؟؟بس من بعد مايشوف عبده بيقاوم نفسه و هواه …مش أبصبص و بعدين أحلم و بعديييييييييييييين ….إنت عارف ؟؟
    أنا واحدة من الناس بعاني من صعوبة في الإلتزام بسبب نمط الحياة اللي تعودت عليه ،، بس و ربنا شاهد بحاول قدر استطاعتي أقاوم هوايا اللعين ..و ده الكونترول هو اللي محتاجينوا في حياتنا بعيد عن الأهل لأن الأهالي استقالوا من زمان و بيكبروا دماغهم كمان و كمان حتى إني أعرف معلم زارو والد تلميذ عندوا بيشتكي على إيه في رأيكم ؟؟؟ الفضيحة إنوا بيشتكي من إن ابنو أصبح يصلي ؟؟ و قال للمعلم و أنا حاضرة : مانيش حابوا يصلي ، راني حابوا يخرج راجل ؟؟ “الترجمة / مش عاوزو يصلي أنا عاوزو يخرج راجل / …..و الراجل في نظرو طبعا مش بتاع صلاة و أخلاق بل لازم يكون بتاع بلطجة و انحراف …..ويبقى سلملي على الجيل اللي جاي ، اصلا اصبحنا في وقت العقم فيه نعمة ،،،،على الأقل مش حنتحاسب على ذنوبهم و صياعتهم و أكيد عقوقهم …حتى إني ساعات بحب أحسبها بنظرية المؤامرة و بقول في نفسي دي الحكومات العربية هي المسؤولة عن انحطاط الأخلاق يبيعوا الخمر في المحلات و المخدرات بين الشباب و يقننوا الدعارة عشان المجتمع يضرب في بعضوا و تبقى الحكومات على كاتمه على أنفاسنا ..
    مقال جميل جدا يا أبو عمر وو الله لو جاهدنا أنفسنا شوي بس و مشينا في الطريق الصح كنا حنصلح و لو جزء يسير من المجتمعات دي ……..
    تحية لشلة السلم كووووووووووووووووووووووووووووولها

    رايي/الجزائر

    • احلي تحيه لاجمل واحلي فتاه جزائريه في الدنيا كلها……………بجد ولله منوره البلوج كله يا رايي…………..وعلي رأيك احنا فعلا المفروض نجاهد انفسنا وده فعلا اقوي انواع الجهاد ……………وفعلا هي مشكلتنا حاليا في الاهالي اللي بطلت تربي عيالها وفي لحكومات اللي فعلا سهلت حاجات كتير بتدمر في المجتمع بمتهي السرعه وانا معاكي في الفكره دي جدا……………انا بس كل اللي شاغلني طيب نعمل ايه علشان نلحق الجيل اللي طالع حيضيع ده ونعمل ايه علشان الاجيال اللي جايه اللي حيبقي بينهم اولادنا واحفادنا اللي نفنسنا يعيشوا اجمل ايام …………..يا رايي احنا مش حاسين بللي احنا داخلين عليه …………….انا لما بقعد افكر مع نفسي لو حد فينا جاب بنت وكبرت هل حيطمن عليهاا لو نزلت تتفسح مع اصحابها او حيطمن عليها لو نزلت راحت درس بليل ……………احنا زمان كنا بنتحدي العالم كله اننا من اكتر البلاد اللي الناس بتتطمن فيها علي بناتها بعكس الغرب اللي محدش بيقدر ينزل من بيته بعد الساعه 9……………دلوقتي احنا فعلا داخلين علي ايام سوده……………….وربنا يسترها علينا يا رايي……………وبجد اتمني تفضلي منورانا كده دايما ومتحرمناش من طلتك الجميله علينا وعلي سلمنا

  4. ايه الحلاوه دي يا عمر بجد موضوع شديد
    و جامد جدا
    جدا

    بس انا نفسي كل بنت تمشي علي المبدا دا هترتاح و تريحنا كلنا
    بدل الفرهده دي

    ” اجعلي من نفسك جوهره لا يمسسها احد الا بامر الله ”

    لو كل بنت اتبعت الحكمه دي بجد هتستريح و احنا كمان هنستريح
    ةالحياه هتمشي واللهي
    بس هنعمل ايه بقي الشيطان صايع
    وقادر يتحكم فينا

    • ههههههههههههههههههههههههه انا معاك يا اخويا دودا هي حتستريح واحنا حنستريح……………..بس برده الحياه مش حيبقالها طعم ولا ايه يا صاحبي……………وبعدين في نظرها لو احترمت نفسها مش حتتجوز ……………..هما دلوقتي بقوا فاهمين انهم بضاعه كل ما حتبين من نفسها اكتر كل ما احتمالات جوازها حتكتر……………ايام سوده يا معلمي والشيطان علي رايك صايع ولف براسهم خلاص وراس الشباب اتلفت معاهم وبقت علي راي المثل

      ( سهلبيسه يا ابو عيسي )

  5. eh ya3am 3omar el 7ekam w el mawa3ez di kolak 7ekam w lesanak a5la2 w mo5ak kolo 3a2l w adab howa post hayel w kalam zy el fol bas me7tag wa7ed tany wa5ed balak enty ya3am ibrahim :D:D:D:Dw ba3deen ya5oya 3omar enta lazem te2ol en ana w enta mesh 7anbatal mo3aksa tool malbanat menayela keda 3ashan yetlamo w law mesh 5ayfeen men el mo3aksa w balhom ttaweel fa e7na ba2a balna atwal w 7anshof meen eli 7ayezha2 fi el 2a5er …meya meya ya 5oya 3omar:D:D:D:D


Comments RSS TrackBack Identifier URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

  • عدد اللي عدوا ع-السلم

    • 15٬836 بنى آدم
  • أحسن مشاركات

  • التصنيفات