القواعد و الآداب العامة لتحرش آمن

harassment

أخي المتحرش…في عصر أصبحت فيه المرأة تتجول في الشارع وكأنه غرفة نومها….وترتدي ملابس تتفوق على مبنى الكونجرس في عدد شبابيكها….و تتزين بما لا تتزين به حتى لزوجها….و تستطيع أنفك التنبأ بقدومها من على بعد أميال بفعل رائحة عطرها…
و انطلاقا من مبدأ “المال السايب يعلم السرقة”…أصبح التحرش بديلا لا غنى عنه….و سمة من سمات المجتمعات الحضارية و الراقية…
و حرصا منا على سلامتكم…و وصولكم لمبتغاكم السامي بأقل الأضرار…فقد وضعت الادارة العامة لحماية التحرش بعض القواعد التي يجب الالتزام بها لتجنب التعرض لأي أذى بدني أو نفسي…
ويرجى العلم بأن مخالفة أي من هذه القواعد فد تعرض صاحبها للمسائلة القانونية…

ما هو التحرش: التحرش قد يكون جسديا (سجن يا بوب)…و قد يكون لفظيا او ما يطلق عليه “المعاكسة” (لو كان حظك حلو يبقى غايته قلم على وش سيادتك)… أو تحرش بصري (هنا بقى روح القانون…خد راحتك)

و لكن يختلف التعريف باختلاف العادات و التقاليد من مكان لاخر…..فتجد مثلا في بلاد ما…لو قلت لزميلتك في الشغل “صباح الخير”….ترفع عليك قضية تحرش…و بلاد أخري لو…..(ولا بلاش شكلي حقبح)

و حرصا منا على تحرش آمن فقد وضعت الادارة العامة 8 قواعد واجب اتباعها من أي مواطن راغب في التحرش و هي كالتالي:

1- المحافظة على ارتداء حذاء كوتشي يساعد على الركض في حالة تطور الموضوع و خروجه عن السيطرة…

2- اختيار الوقت و المكان المناسبين لاقتناص فريستك بحيث ألا يسمعكما أو يراكما أحد….ربنا بس!

3- احرص على عدم التمييز بين فرائسك على أساس الاحترام او الاخلاق لانه بذلك تكون قد خالفت ابسط قواعد التعايش و اصدرت حكما مسبقا على فريستك من مظهرها…(عاكس أي حد)

4- حيث أنه كما تدين تدان و اللي بتتعمله حيتردلك حيتردلك…. احرص اخي المتحرش على التخلص من أختك أو مراتك أوبنتك بقتلها أو وئدها او رميها في اقرب صندوق زباله…و الا فسيكن عليك التعايش مع فكرة انك راجل (teet) لامؤاخذه…..(يا خبؤ)

5- تجنب قراءة الآية 30 من سورة النور ( قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون) و الآية 32 من سورة الاسراء (وَلاَ تَقْرَبُواْ الزِّنَى إِنَّهُ كَانَ فَاحِشَةً وَسَاء سَبِيلاً) و الآية 286 في سورة البقرة (لاَ يُكَلِّفُ اللّهُ نَفْساً إِلاَّ وُسْعَهَا)…..لانه بجمع معانى الآيات يتبين بطلان حجتك الدائمة بان الحياه بقت صعبة و البنات توحشوا وان الموضوع فوق طاقتك…

6- احذر اخي المتحرش من امتلاك الضمير حتى لا تعرض نفسك لعقوبة التعدي على ممتلكات الغير….فالضمير ملك للبني آدمين فقط!

7- لتجنب الاصابة بالإحباط أو أي مشاعر سلبية ناتجة عن لهثك وراء ضحاياك بلا عقل…و لتلافي أي شعور بأنك “شخشيخة” في يد النساء…برجاء الحصول على كتاب “تخلص من كرامتك في 24 ساعة” للكاتب اليوناني: عاكستو مختـاشـتـش…

8- إوعى تشرب بيرل!

عزيزي المتحرش…اتباعك لهذه التعليمات جيدا سيعمل على حمايتك من أي ضرر أو مساءلة قانونية…
ملحوظة: هذا العرض ساري لفترة محدودة….والإدارة تخلي مسئوليتها عن أي ضرر أو مساءلة إلهية (بعد عمر طويل ان شاء الله)

لمشاهدة احد انجازات الادارة العامة لحماية التحرش يرجى قراءة تقرير وكالة رويترز الذي يدعوا كل مصري للفخر

مدير الإدارة: زنديق أبو الأبالسة

توقيع
Echo of silence

Advertisements

19 تعليق

  1. very very nice work ya wad yabo 7’ashab .. impressing

    • u r very very welcome ya faaty…glad u like it

  2. bas keda!! enta t2mor

    men bokra el som7 tla2y el rules de metaba2a!! 😀

    3azeema ya masr …

    nice post ya m3allem 🙂

    • ya 5ooofy 😀
      thx Boody…mnawwar el blog

  3. الله عليك ياصديقى….بردو النظام مهم
    ووكده اللى هيدوس عارف اللى فيها ومخبناش علىه حاجة
    دايما ممتعنا ياصديقى ببوستاتك
    اجمد بوست على السلم 😀

    • جامد بس عشان تلميذك…
      واحشني يا سالوووري 😀

  4. جـــــــــــــــــــــــــــــــــــــــــــــــــــــــااااااااااااااااااااااااااااااااااااامد و عظيـــــــــــــــــــــــــــــــــــــــــــــــــــــم ياEcho Of Silence و ده طبعا يجعلني أغفرلك الزوغان عن الكتابة في المرات السابقة و ما تقوليش مجاملة أصلي مابحبش أجامل حد . …و زي ماقال أبو صلاح اللي بشكروا على زيارتي في مدونتي …ده البوست من أجمد البوستات في السلم و انا بشوف إنو القواعد دي لا زم تتعمم على جميع الشوارع و في كل البلدان العربية اللي بتموت في شي إسمو التحرش ، اصلها رجعت هواية ( بعيد عنكو) و ما نساش اقول إن البوست ده بالعربي كان رائع كمان يعني جامد باللهجة و أجمد بالعربي ..إيه ده الإحتراف و لا بلاش …أصلك بالقواعد دي قفلت كل الأبواب امام المتحرشين اللي أكيد حيشنوا عليك حرب عشواء ، بس أنا و كل ناس السلم معاك خصوصي لو عبرت للتحرش السياسي ..بس عارفة إنو مالكش في السياسة ..
    سلامي لكل ناس السلم و دمتم مبدعين و مروقين …………………
    رايي/ الجزائر

    • لا مش هقول مجاملة خلاص….بس ده من ذوقك طبعا….و مبسوط انك سامحتيني بس برضه لسة عايزة تجرجريني للسياسة…..اللي ايده في المية بأه 😛
      سلام يا رايي و دمتي منورانا

  5. Loved the idea,,gr8…keep on :))

    • u welcome, Reim….glad u like it…thx a lot 4 passing by

  6. كل مره بقولك نفس الجمله نايس بوست يا خشابوووووووز جامد اخر حاجه أصلا
    بش ملاقيش عندك شوية إرشادات للبنات؟!:)

    • الله يخليكي يا ايمو…منورة…..و اه عندي ارشاد واحد فعال:
      ارحمووووووووووووووووووووووووونا
      مش انتي طبعا بس اللي ربنا ينتقم منهم….معلش اصله كان يوم مشهيص في الكلية….خصوصا البودي الpink اللي كان بيتمشى قدامي قبل امتحان الشفوي انهاردة خلاني قاعد قدام الدكتور سرحان في نانسي…..ضريبة الصيف بأه!

      بس عايز اقولك مش معنى اني موجه البوست كله للولاد ان البنات لوز اللوز و زي الفل….هما اساس المصيبة لكن في الاول و في الآخر صاحب فعل “التحرش” هو الولد عشان كده مسئوليته اولا….
      لكن في بنات عايزين الحرق….عايزين الابادة…(و عايزين نخلي البودي الpink زي رسمي)….مستني فتحي او ابو صلاح يقطعوا في فروتهم اكتر في البوست الجاي ان شاء الله

  7. لأ ما أنا واخده بالى أن البنات سبب الكارثه من وجهة نظرك بس أنا شخصيا مش عارفه أوافقك ولا أختلف معاك لأنى بصراحه مش عارفه مين السبب بس الأرشادات اللى كنت عايزاك تقولها للبنات يعملوا أيه لما ولد يقرر أنه يعاكس أو يعمل أكتر من كده ومعاه أرشاداتك يعنى فى بنات كتير لبسها مش ضيق و معندهاش بادى pink زى اللى أنت بتقول عليه وبيحصلها كده يعنى بيرحموا الولاد بس الولاد مش بيرحموهم لأنها بقت فكرة أنها بنت وخلاص ولو أتعكست وردت يبقى بتطول فى الكلام وعاجبها اللى بيحصل ولو مردتش يبقى قشطه بقى الموضوع يزيد عن المعاكسه…..وفى نفس الوقت الولاد مابقوش بيفرقوا من كتر اللى بيشوفوه يعنى الغلط على الاتنين….

    • سؤال صعب في الزمن ده….لكن اللي اقدر اقوله انه انا شخصيا لو عندي بنت كل الي حقدر اعمله اني اتأكد ان لبسها غير ملفت…..و مش معنى انها محجبة بس انها غير ملفتة…للاسف في محجبات كتير لبسهم ملفت جدا اكتر من غير المحجبات…..ده بقى عادي انك تشوفي واحدة لابسة اسدال كمان و مع ذلك تتفنن ازاي تكون ملفتة…

      و تاني حاجة لو عندي بنت مش حسيبها تنزل في وقت معين او مكان لوحدها انا عارف انها ممكن تتعرض لمضايقات فيه…..اه يمكن تكون الحلول قهرية حبتين…..لكن انا مش هقعد في البيت حاطط ايدي على خدي و اقول يارب ما حد يضايقها….لازم ناخد بالاسباب الاول….و لو مأخدناش…..منستناش نتيجة ايجابية….

      و برضه مطلوب الاعتدال…يعني مش المطلوب ان يكون مظهرها منفر عشان متبقاش ملفتة….

  8. ههههههههههههههههههههههههههه
    يخرب بيت شيطانك يا خشاب ، ايه الحلاوة دي يابني ، معلم والله
    بوست فوق الفظيع ( معدي يعني)
    بس ياريت يا خشاب لو عندك كتاب عاكستو ماختشتش ياريت تبعتهولي هههههههههههه
    بقا تخبي علينا المعلومات المهمه دي وانتا عارف اني نفسي اتحرش من زمان علي اساس منهجي ، ولا هانقضيها ايدي في جيبيوبنا ولا ايه ، من فضلك يا خشبة ابعتلي لينك الكتاب علي الايميل ده
    bege7@hotmoza.com ولك جزيل الشكر

    • لأأأأأأأأأأأأأأأأأأ…..متشتمش شيطاني…ده هو اللي كاتب البوست
      الله يخليك يا حوده يا حبي ده من ذوقك والله….
      و انت تتحرش ليه يا حودة ؟؟ ده هما اللي بيتحرشوا بيك ولا نسيت ال (باااااااااااي)…..ههههههههههه
      انا كمان كتاب عاكستو مختاشتش محتاجه اوي بعد اللي عمله فيا سلطان
      LoL @ hotmoza 😀

  9. حبيب قلبي الغالي…………………..بجد بوست جااااااااااااااااااااااامد يا خشاب وبجد نااااااااااااااااااايس فكره علي الاخر………………استاز يا واد طول عمرك ………………يخليك لينا ايوه كده الواحد يعرف يمشي علي اسس سليمه يا ريس………………..انتا عارفني انا بحب النظام في كل شئ يا ريس……………زوبجد نااااااااااااااايس فكره يا معلم

    • تسلم يابو رابين يا خـبـيـبـــــي….الحمد لله انه عجبك…..و يارب مايكون عجبك اوي لدرجة انك تنفذه حرفيا
      😛

  10. meya meya ya 5oya 5ashab w kalam zy el looz w 3amatan ana bawageh el resala di lel banat bas tab3an naw3eya mo3ayana en ana mesh 7abatal mo3aksa tool malbanat mostafez keda w 3amlali fiha 3ashar regala fi ba3d la2 7asbi ba2a enty bent w 7atefdali bent w law fakra en eli enty bete3meleeh di 7oreya yeb2a a7eb afawa2ek enek fi mogtama3 shar2y w law 7at2olili manta beta3akes 7arod 3aliki w 2a2olek maho enty eli bet5alini a3mel keda b eli enty betelbeseeh wala 7ata bete2la2eeh mesh far2a el etneen wa7d now ….thnx


Comments RSS TrackBack Identifier URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

  • عدد اللي عدوا ع-السلم

    • 15٬514 بنى آدم
  • أحسن مشاركات

  • التصنيفات