اسفين جدا على التأخير…..بس هو فى الاول كان لظروف الامتحانات
وبعد كده مش عارف ليه….بس يمكن السلم كان مش فى مود كتابة
او كسل او اى شئ تانى مش عارفينه…بس ياريت تسامحونا…وان شاءالله تكون اخر مرة
وبجد شكرا جدا لكل اللى سأل علينا
*************************************************************************
اختر الاجابة الصحيحة مما يلى:
1) اوباما شخصية عظيمة….بدأ من الصفر فى كينيا الى قمة العالم
وتتعلم من قصته
أ) انك ممكن تبقى رئيس (رئيس امريكا يعنى متخليش دماغك تروح بعيد(
ب) اللى يعيش ياما يشوف
ت) محمد منير
2) فى رأيك خطاب اوباما للعالم الاسلامى
أ) خطاب زى قلته
ب) خطاب قلته احسن
ت) خطاب احسن من قلته
ث) محمد منير
3) كانت جاكرتا والرياض مرشحتان الى جانب القاهرة لألقاء الخطاب
لكن اوباما رد عليهم قائلا
أ) بلاش جاكرتا احسن قبل ماسيبها وانا صغير ابويا كان عليه فلوس ومصدقت خلعت
ب) بلاش السعودية احسن المسلمين بيتلككوا اذا كنت قولت آيتين من القرآن قالوا عليا مسلم اخاف اروح الرياض يقولوا هيعمل عمرة
ت) ياعم مصر زى الفل والغريب فيها بيعملوا احسن من اهل البلد
ث) محمد منير
4) بعد ان بذلت الحكومة مجهودات كبيرة لرفع الزبالة…اعادتها اول ما مشى اوباما
أ) لأنها من معالم القاهرة
ب) لأن فى ناس تاهت لما شالوا الزبالة
ت) محمد منير
5) رغم تأكيدات الحكومة الدائما ان احنا شعب مش لاقى ياكل….الا انها اتكلفت فى زيارة اوباما حوالى 500 مليون جنيه
أ) دى فلوس المعونة وهما اولى بيها
ب) دى فلوس كانت متشالة لوقت زنقة
ت) الوزرا لموا فلوس من بعض (من مصروفهم يعنى بلاش ظن السوء)
ث) الحكومة عملت جمعية و قبضتها الاول
ج) محمد منير
السؤال الثانى:
اول ما اوباما مسك الحكم سلموه تلات اود وعفشة ميه فى البيت الابيض وسلموه موبايل بكاميرا وبيشغل اغانى…..قام اوباما مخصص نغمة لكل رئيس
اذكر اسم المغنى صاحب النغمة:
1) الرئيس: بنيامين نتنياهو (رئيس الصهاينة)
النغمة : ياطب طب وادلع…يايقولى انا اتغيرت عليه
2) الرئيس: احمدى نجاد (رئيس ايران)
النغمة : انت تتحدانى ابقى قابلنى
3) الرئيس: محمد حسنى مبارك (رئيس جمهورية مصر العربية)
النغمة: اخترناه….اخترناه…اخترناه
4) الرئيس: بشار الاسد (رئيس سوريا)
النغمة: حبيبى قرب بص وبص..بص…زعلان..ازعل
ازعل نص نص
5) الرئيس: الملك عبدالله (ملك الاردن)
النغمة: كداب مغرور قال مش بيحبنا
6) الشعب المصرى
النغمة: اديك تقول مخدتش ياناكر الجميل
7) الرئيس الكورى كيم جونج (رئيس كوريا الشمالية)
النغمة : عيب عليك…دى اقل كلمة اقولها ليك
8) الملك عبدالله (ملك السعودية)
النغمة: لاوالنبى ياعبده
9) الى كل شعوب العالم
النغمة: امريكا شيكا بيكا…تلاعبك ع-الشناكل وتجيب عاليك واطيكا
10) الرئيس التركى رجب طيب اردوغان
النغمة: رجب حوش صاحبك عنى
11) رؤساء مجلس التعاون الخليجى
النغمة: انجغة امجغة ياكلبوظة…ياصغنن يابن المحظوظة
12) الرئيس محمد عباس ابومازن
النغمة: الصراحة راحة ياسيدى وانت مبتعرفش
22 تعليق
Comments RSS TrackBack Identifier URI
اللى قعدوا ع-السلم 
loooool…kan nefsy el emt7an yb2a wara2teen bas balash nta2el 3al talaba
post mas5ara ya saloory 😀 bas lafet nazary 7aga….hwa Obama 7aygeeb na3’amet “adik t2ool ma5adtesh” mneen
??
والله وانا كمان كان نفسي أعمل امتحان ورقتين
عشان اطلع اللي بيتعمل فينا
بس احنا كنا اتاخرنا قوي
يلا خيرها فيغيرها
وبالنسبة للنغمة في راجل عنده محل تعريب موبيلات وبيحط نغمات برده
ودقيقة المحمول بـنص جنيه
جنب البيت الابيض……..هيبقى يعدي عليه
ويجيبها من عنده
يا مساء المهلبيه بالجيلي…………………..اخيرا نزلتوا ببوست جديد يا شباشب……………..بس الصراحه بوست جاااااااااااااااامد يا ابو صلاح……………..احبك وانتا مروق ومهيس كده ……………..ويا رب الحاله اللي جاتلكم دي متجيش تاني بقا واشوف مواضيعكم قدامي علطول كده …………….وكالعاده بقا اولكم
ان شاء الله متجيش تاني وننزل بنشاط على البلوج بقى
عشان الناس اللي زعلت مننا
انا جييييييييييييييييييي احجزولى مكان فى اللجنة .
الله ينور يا واد يا ابو صلاح
مستنيين سعادتك
bgd ma3adya 25r 7aga we 3agbny awi elnew style dah
ama b2a 3an el2gbat fana 3awza 2a2olk all of the above 😀
شكرا يا شيمو
وموضوع الإجابة كل واحد حر فيه
ماتودوناش في داهية
tab m3lesh so2al bas , heya ema 7atenzel el egabat l sa7i7a , 3shan 3yza a3raf natiget el quiz dah
bas bgd bgd to7fa tari2et el ketaba el gedida bas ana bardo nefsy a3raf eh 3elaket mohamed mounir be obama 😀
أنا شايف وكل واحد حر في رأيه
إن الإجابة الصحيحة على كل الاختيارات هي محمد منير
والأغاني سهلة بقى
لو في حاجة وقفت معاكي ابقي قوليلي
congratulations ya abo salah 3la el post el gamed da .
bgd kol 7aga feh excellent shaklan w mawdo3an .
el new look l el post da 3amel sho3’l gamed awe .
congratulations ya abo salah 3la el post el gamed da .
bgd kol 7aga feh excellent shaklan w mawdo3an .
el new look l el post da 3amel sho3′l gamed awe .
شكرا يا بسمة على رأيك وشكرا إنك دايما متابعنا
yalhwy ya lahwy ya lahwy 😀
a ya wala elklam el shdid dah shaklak fahim ya nozza 😀
bas sa7i7i anta 3ref asmy el ro2sa2 w el wazra dol minan ????
sry naset 27ot asmy ana bassem zakzouk
لالالا إنت عايز توديني فيداهية يا zo2a ولا إيه؟
أنا مش فاهم أي حاجة
سلاااااااااااااام :::
و عدت للسلم بعد غياب و لقيتو منور بمقالة زي العسل أصلي تواحشت تحليلاتكم الرائعة ………..طبعا المقال إدا كل واحد على جنبوا الحبتين اللي هو بيستحقهم و عن جد الكل يستاهل ……أصل العالم ده مايستحقش حتى التفكير لأنوا ماشي بالمقلوب أصلا و انت يا بو صلاح إديت كل ريس حقوا خصوصا في النغمات …..
أخليك اصلي عاوزة أطل على البلوغ بيتاعي أشوف وصل لوين ….يلا سلااااااااااااااااام يا أحلى شباب العالم…
رايي/الجزائر
أحلى من يتبع السلم واللي ديما منورنا
ومنورني شخصيا على حجر معسل كمان
شكرا ليكي على متابعتك الدايما لينا
وبجد مش عارف من غيرك كان هيبقى السِلّم شكله إيه
نيس بوست يا حبي كالعادة يعني:)
والصورة كمان جامدة آخر حاجة أصلا
ويلا يا فتحي شد حيلك بقى وانزل ببوست جامد
خاشابوز مستنياك وأنا متأكدة إن بوست بتاعك حيبقى جامد:)
LOOOOOOOOL!!
gaaamed awy el post da 😀
شكرا emoz
شكرا boody
ايه يا واد الحاجات الحلوة ديه…. معقول انت بتحب محمد منير لدرجة ان كل الإجابات تنفع ما عدا محمد منير؟؟؟ كان لازم تقول اختر الإجابة اللي ملهاش دعوة بالموضوع…. أصل كل الإجابات صحيحة……
ديه كتبتها امتى ديه يا واد؟؟؟ ….. ياه ده اللي خلاك فايق وبترقص بضمير في الحنة هههههههههههه….